naala hai bulbul e shoriida tiraa khaam Abhi

Naala hai bulbul-e-shoreeda tiraa khaam abhee Apne siine men ise aur zaraa thaam abhee Pukhta hotee hai agar maslahat-andesh ho aql Ishq ho maslahat-andesh to hai khaam abhee Be-khatar kuud paDaa aatish-e-namrood men ishq Aql hai mahv-e-tamaashaa-e-lab-e-baam abhee Ishq farmooda-e-qaasid se subuk-gaam-e-amal Aql samjhee hee naheen ma.anee-e-paighaam abhee Sheva-e-ishq hai aazaadee o dahr-aashobee Too hai zunnaaree-e-but-khaana-e-ayyaam abhee Uzr-e-parhez pe kahtaa hai bigaD kar saaqee Hai tire dil men vahee kaavish-e-anjaam abhee Sa.ee-e-paiham hai taraazu-e-kam-o-kaif-e-hayaat Teree meezaan hai shumaar-e-sahar-o-shaam abhee Abr-e-naisaan ye tunuk-bakhshee-e-shabnam kab tak Mere kohsaar ke laale hain tahee-jaam abhee Baada-gardaan-e-ajam wo arabee meree sharaab Mire saaghar se jhijakte hain mai-aashaam abhee Khabar 'iqbaal' kee laa.ee hai gulistaan se naseem Nau-giraftaar phaDaktaa hai tah-e-daam abhee