puuchh us se ki maqbuul hai fitrat ki gavaahii
— Allama Iqbal
Poochh us se ki maqbool hai fitrat kee gavaahee
Too saahib-e-manzil hai ki bhaTkaa huaa raahee
Kaafir hai musalmaan to na shaahee na faqeeree
Momin hai to kartaa hai faqeeree men bhee shaahee
Kaafir hai to shamsheer pe kartaa hai bharosaa
Momin hai to be-tegh bhee laDtaa hai sipaahee
Kaafir hai to hai taaba-e-taqdeer musalmaan
Momin hai to wo aap hai taqdeer-e-ilaahee
Main ne to kiyaa parda-e-asraar ko bhee chaak
Dereena hai teraa maraz-e-kor-nigaahee