raam labrez hai sharaab e haqiiqat se jaam e hind

Labrez hai sharaab-e-haqeeqat se jaam-e-hind Sab falsafee hain khitta-e-maghrib ke raam-e-hind Ye hindiyon kee fikr-e-falak-ras kaa hai asar Rif.at men aasmaan se bhee oonchaa hai baam-e-hind Is des men hue hain hazaaron malak-sarisht Mash.hoor jin ke dam se hai dunya men naam-e-hind Hai raam ke vajood pe hindostaan ko naaz Ahl-e-nazar samajhte hain is ko imaam-e-hind Ejaaz is charaagh-e-hidaayat kaa hai yahee Raushan-tar-az-sahar hai zamaane men shaam-e-hind Talvaar kaa dhanee tha shujaa.at men fard tha Paakeezgee men josh-e-mohabbat men fard tha Labrez hai sharab-e-haqiqat se jam-e-hind Sab falsafi hain KHitta-e-maghrib ke ram-e-hind Ye hindiyon ki fikr-e-falak-ras ka hai asar Rifat mein aasman se bhi uncha hai baam-e-hind Is des mein hue hain hazaron malak-sarisht Mashhur jin ke dam se hai duniya mein nam-e-hind Hai ram ke wajud pe hindostan ko naz Ahl-e-nazar samajhte hain is ko imam-e-hind Ejaz is charagh-e-hidayat ka hai yahi Raushan-tar-az-sahar hai zamane mein sham-e-hind Talwar ka dhani tha shujaat mein fard tha Pakizgi mein josh-e-mohabbat mein fard tha