ruuh e arzii aadam kaa istiqbaal kartii hai khol aankh zameen dekh falak dekh fazaa dekh

Khol aankh zameen dekh falak dekh fazaa dekh! Mashriq se ubharte hue suraj ko zaraa dekh! Is jalva-e-be-parda ko parda men chhupaa dekh! Ayyaam-e-judaa.ee ke sitam dekh jafaa dekh! Betaab na ho maarka-e-beem-o-rajaa dekh! Hain tere tasarruf men ye baadal ye ghaTaa.en Ye gumbad-e-aflaak ye khaamosh fazaa.en Ye koh ye sahraa ye samundar ye havaa.en Thiin pesh-e-nazar kal to farishton kee adaa.en Aa.eena-e-ayyaam men aaj apnee adaa dekh! Samjhegaa zamaana tiree aankhon ke ishaare! Dekhenge tujhe duur se gardoon ke sitaare! Naapaid tire bahr-e-takhayyul ke kinaare Pahunchenge falak tak tiree aahon ke sharaare Taameer-e-khudee kar asar-e-aah-e-rasaa dekh Khursheed-e-jahaan-taab kee zau tere sharar men Aabaad hai ik taaza jahaan tere hunar men Jachte nahin bakhshe hue firdaus nazar men Jannat tiree pinhaan hai tire khoon-e-jigar men Ai paikar-e-gul koshish-e-paiham kee jazaa dekh! Naalanda tire uud kaa har taar azal se Too jins-e-mohabbat kaa khareedaar azal se Too peer-e-sanam-khaana-e-asraar azal se Mehnat-kash o khoon-rez o kam-aazaar azal se Hai raakib-e-taqdeer-e-jahaan teree razaa dekh! Khol aankh zamin dekh falak dekh faza dekh! Mashriq se ubharte hue suraj ko zara dekh! Is jalwa-e-be-parda ko parda mein chhupa dekh! Ayyam-e-judai ke sitam dekh jafa dekh! Betab na ho marka-e-bim-o-raja dekh! Hain tere tasarruf mein ye baadal ye ghaTaen Ye gumbad-e-aflak ye KHamosh fazaen Ye koh ye sahra ye samundar ye hawaen Thin pesh-e-nazar kal to farishton ki adaen Aaina-e-ayyam mein aaj apni ada dekh! Samjhega zamana teri aankhon ke ishaare! Dekhenge tujhe dur se gardun ke sitare! Napaid tere bahr-e-taKHayyul ke kinare Pahunchenge falak tak teri aahon ke sharare Tamir-e-KHudi kar asar-e-ah-e-rasa dekh KHurshid-e-jahan-tab ki zau tere sharar mein Aabaad hai ek taza jahan tere hunar mein Jachte nahin baKHshe hue firdaus nazar mein Jannat teri pinhan hai tere KHun-e-jigar mein Ai paikar-e-gul koshish-e-paiham ki jaza dekh! Nalanda tere ud ka har tar azal se Tu jins-e-mohabbat ka KHaridar azal se Tu pir-e-sanam-KHana-e-asrar azal se Mehnat-kash o KHun-rez o kam-azar azal se Hai rakib-e-taqdir-e-jahan teri raza dekh!