saaqii naama huaa khema zan kaarvaan e bahaar

Huaa khema-zan kaarvaan-e-bahaar Iram ban gaya daaman-e-koh-saar Gul o nargis o sosan o nastaran Shaheed-e-azal laala-khooneen kafan Jahaan chhup gaya parda-e-rang men Lahoo kee hai gardish rag-e-sang men Fazaa niilee niilee havaa men suroor Thaharte nahin aashiyaan men tuyoor Vo joo-e-kohistaan uchaktee huee ATaktee lachaktee saraktee huee Uchhaltee phisaltee sambhaltee huee BaDe pech khaa kar nikaltee huee Ruke jab to sil chiir detee hai ye PahaaDon ke dil chiir detee hai ye Zaraa dekh ai saaqee-e-laala-faam Sunaatee hai ye zindagee kaa payaam Pilaa de mujhe wo mai-e-parda-soz Ki aatee nahin fasl-e-gul roz roz Vo mai jis se raushan zameer-e-hayaat Vo mai jis se hai masti-e-kaa.enaat Vo mai jis men hai soz-o-saaz-e-azal Vo mai jis se khultaa hai raaz-e-azal UThaa saaqiyaa parda is raaz se LaDaa de mamoole ko shahbaaz se Zamaane ke andaaz badle ga.e Nayaa raag hai saaz badle ga.e Huaa is tarah faash raaz-e-farang Ki hairat men hai sheesha-baaz-e-farang Puraanee siyaasat-garee khvaar hai Zameen miir o sultaan se be-zaar hai Gayaa daur-e-sarmaaya-daaree gaya Tamaashaa dikhaa kar madaaree gaya Giraan khvaab cheenee sambhalne lage Himaala ke chashme ubalne lage Dil-e-toor-e-seenaa-o-faaraan do-neem Tajallee kaa phir muntazir hai kaleem Musalmaan hai tauheed men garam-josh Magar dil abhee tak hai zunnaar-posh Tamaddun tasavvuf sharee.at-e-kalaam Butaan-e-ajam ke pujaaree tamaam Haqeeqat khuraafaat men kho ga.ee Ye ummat rivaayaat men kho ga.ee Lubhaataa hai dil ko kalaam-e-khateeb Magar lazzat-e-shauq se be-naseeb Bayaan is kaa mantiq se suljhaa huaa Lughat ke bakheDon men uljhaa huaa Vo suufee ki tha khidmat-e-haq men mard Mohabbat men yaktaa hameeyat men fard Ajam ke khayaalaat men kho gaya Ye saalik maqaamaat men kho gaya Bujhee ishq kee aag andher hai Musalmaan nahin raakh kaa Dher hai Sharaab-e-kuhan phir pilaa saaqiyaa Vahee jaam gardish men laa saaqiyaa Mujhe ishq ke par lagaa kar uDaa Miree khaak jugnoo banaa kar uDaa Khirad ko ghulaamee se aazaad kar Javaanon ko peeron kaa ustaad kar Haree shaakh-e-millat tire nam se hai Nafas is badan men tire dam se hai TaDapne phaDakne kee taufeeq de Dil-e-murtazaa soz-e-siddeeq de Jigar se vahee tiir phir paar kar Tamannaa ko seenon men bedaar kar Tire aasmaanon ke taaron kee khair Zameenon ke shab zinda-daaron kee khair Javaanon ko soz-e-jigar bakhsh de Miraa ishq meree nazar bakhsh de Miree naav girdaab se paar kar Ye saabit hai to is ko sayyaar kar Btaa mujh ko asraar-e-marg-o-hayaat Ki teree nigaahon men hai kaa.enaat Mire deeda-e-tar kee be-khvaabiyaan Mire dil kee posheeda betaabiyaan Mire naala-e-neem-shab kaa niyaaz Miree khalvat o anjuman kaa gudaaz Umangen miree aarzooen miree Ummeeden miree justujuen miree Miree fitrat aa.eena-e-rozgaar Ghazaalaan-e-afkaar kaa murgh-zaar Miraa dil miree razm-gaah-e-hayaat Gumaanon ke lashkar yaqeen kaa sabaat Yahee kuch hai saaqee mataa-e-faqeer Isee se faqeeree men hoon main amiir Mire qaafile men luTaa de ise LuTaa de Thikaane lagaa de ise Damaa-dam ravaan hai yam-e-zindagee Har ik shai se paidaa ram-e-zindagee Isee se huee hai badan kee numood Ki sho'le men posheeda hai mauj-e-dood Giraan garche hai sohbat-e-aab-o-gil Khush aa.ee ise mehnat-e-aab-o-gil Ye saabit bhee hai aur sayyaar bhee Anaasir ke phandon se be-zaar bhee Ye vahdat hai kasrat men har dam asiir Magar har kaheen be-chugon be-nazeer Ye aalam ye but-khaana-e-shash-jihaat Isee ne taraashaa hai ye somnaat Pasand is ko takraar kee khoo nahin Ki too main nahin aur main too nahin Man o too se hai anjuman-aafreen Magar ain-e-mahfil men khalvat-nasheen Chamak us kee bijlee men taare men hai Ye chaandee men sone men paare men hai Usee ke bayaabaan usee ke babool Usee ke hain kaanTe usee ke hain phuul Kaheen us kee taaqat se kohsaar chuur Kaheen us ke phande men jibra.eel o huur Kaheen jaza hai shaaheen seemaab rang Lahoo se chakoron ke aalooda chang Kabootar kaheen aashiyaane se duur PhaDaktaa huaa jaal men naa-suboor Fareb-e-nazar hai sukoon o sabaat TaDaptaa hai har zarra-e-kaa.enaat Thahartaa nahin kaarvaan-e-vajood Ki har lahz hai taaza shaan-e-vajood Samajhtaa hai too raaz hai zindagee Faqat zauq-e-parvaaz hai zindagee Bahut us ne dekhe hain past o buland Safar us ko manzil se baDh kar pasand Safar zindagee ke liye barg o saaz Safar hai haqeeqat hazar hai majaaz Ulajh kar sulajhne men lazzat use TaDapne phaDakne men raahat use Huaa jab use saamnaa maut kaa KaThin tha baDaa thaamnaa maut kaa Utar kar jahaan-e-makaafaat men Rahee zindagee maut kee ghaat men Mazaaq-e-duee se banee zauj zauj UThee dasht o kohsaar se fauj fauj Gul is shaakh se TooTte bhee rahe Isee shaakh se phooTte bhee rahe Samajhte hain naadaan use be-sabaat Ubhartaa hai miT miT ke naqsh-e-hayaat BaDee tez jaulaan baDee zood-ras Azal se abad tak ram-e-yak-nafs Zamaana ki zanjeer-e-ayyaam hai Damon ke ulaT-pher kaa naam hai Ye mauj-e-nafs kya hai talvaar hai Khudee kya hai talvaar kee dhaar hai Khudee kya hai raaz-daroon-hayaat Khudee kya hai bedaari-e-kaa.enaat Khudee jalva badmast o khalvat-pasand Samundar hai ik buund paanee men band Andhere ujaale men hai taabnaak Man o too men paidaa man o too se paak Azal us ke peechhe abad saamne Na had us ke peechhe na had saamne Zamaane ke Dariya men bahtee huee Sitam us kee maujon ke sahtee huee Tajassus kee raahen badaltee huee Damaa-dam nigaahen badaltee huee Subuk us ke haathon men sang-e-giraan PahaaD us kee zarbon se reg-e-ravaan Safar us kaa anjaam o aaghaaz hai Yahee us kee taqveem kaa raaz hai Kiran chaand men hai sharar sang men Ye be-rang hai Doob kar rang men Ise vaasta kya kam-o-besh se Nasheb o faraaz o pas-o-pesh se Azal se hai ye kashmakash men asiir Huee khaak-e-aadam men soorat-pazeer Khudee kaa nasheman tire dil men hai Falak jis tarah aankh ke til men hai Khudee ke nigahbaan ko hai zahr-naab Vo naan jis se jaatee rahe us kee aab Vahee naan hai us ke liye arjumand Rahe jis se dunya men gardan buland Khudee faal-e-mahmood se darguzar Khudee par nigah rakh ayaazee na kar Vahee sajda hai laa.iq-e-ehtimaam Ki ho jis se har sajda tujh par haraam Ye aalam ye hangaama-e-rang-o-saut Ye aalam ki hai zer-e-farmaan-e-maut Ye aalam ye but-khaana-e-chashm-o-gosh Jahaan zindagee hai faqat khurd o nosh Khudee kee ye hai manzil-e-avvaleen Musaafir ye teraa nasheman nahin Tiree aag is khaak-daan se nahin Jahaan tujh se hai too jahaan se nahin BaDhe jaa ye koh-e-giraan tod kar Tilism-e-zamaan-o-makaan tod kar Khudee sher-e-maulaa jahaan us kaa said Zameen us kee said aasmaan us kaa said Jahaan aur bhee hain abhee be-numood Ki khaalee nahin hai zameer-e-vajood Har ik muntazir teree yalghaar kaa Tiree shaukhi-e-fikr-o-kirdaar kaa Ye hai maqsad gardish-e-rozgaar Ki teree khudee tujh pe ho aashkaar Too hai faatah-e-aalam-e-khoob-o-zisht Tujhe kya bataa.oon tiree sarnavisht Haqeeqat pe hai jaama-e-harf-e-tang Haqeeqat hai aa.eena-e-guftaar-e-zang Farozaan hai siine men sham-e-nafas Magar taab-e-guftaar rakhtee hai bas Agar yak-sar-e-moo-e-bartar param Farogh-e-tajallee ba-sozad param Hua KHema-zan karwan-e-bahaar Iram ban gaya daman-e-koh-sar Gul o nargis o sosan o nastaran Shahid-e-azal lala-KHunin kafan Jahan chhup gaya parda-e-rang mein Lahu ki hai gardish rag-e-sang mein Faza nili nili hawa mein surur Thaharte nahin aashiyan mein tuyur Wo ju-e-kohistan uchakti hui ATakti lachakti sarakti hui Uchhalti phisalti sambhalti hui BaDe pech kha kar nikalti hui Ruke jab to sil chir deti hai ye PahaDon ke dil chir deti hai ye Zara dekh ai saqi-e-lala-fam Sunati hai ye zindagi ka payam Pila de mujhe wo mai-e-parda-soz Ki aati nahin fasl-e-gul roz roz Wo mai jis se raushan zamir-e-hayat Wo mai jis se hai masti-e-kaenat Wo mai jis mein hai soz-o-saz-e-azal Wo mai jis se khulta hai raaz-e-azal UTha saqiya parda is raaz se LaDa de mamule ko shahbaz se Zamane ke andaz badle gae Naya rag hai saz badle gae Hua is tarah fash raaz-e-farang Ki hairat mein hai shisha-baz-e-farang Purani siyasat-gari KHwar hai Zamin mir o sultan se be-zar hai Gaya daur-e-sarmaya-dari gaya Tamasha dikha kar madari gaya Giran KHwab chini sambhalne lage Himala ke chashme ubalne lage Dil-e-tur-e-sina-o-faran do-nim Tajalli ka phir muntazir hai kalim Musalman hai tauhid mein garam-josh Magar dil abhi tak hai zunnar-posh Tamaddun tasawwuf shariat-e-kalam Butan-e-ajam ke pujari tamam Haqiqat KHurafat mein kho gai Ye ummat riwayat mein kho gai Lubhata hai dil ko kalam-e-KHatib Magar lazzat-e-shauq se be-nasib Bayan is ka mantiq se suljha hua Lughat ke bakheDon mein uljha hua Wo sufi ki tha KHidmat-e-haq mein mard Mohabbat mein yakta hamiyat mein fard Ajam ke KHayalat mein kho gaya Ye salik maqamat mein kho gaya Bujhi ishq ki aag andher hai Musalman nahin rakh ka Dher hai Sharab-e-kuhan phir pila saqiya Wahi jam gardish mein la saqiya Mujhe ishq ke par laga kar uDa Meri KHak jugnu bana kar uDa KHirad ko ghulami se aazad kar Jawanon ko piron ka ustad kar Hari shaKH-e-millat tere nam se hai Nafas is badan mein tere dam se hai TaDapne phaDakne ki taufiq de Dil-e-murtaza soz-e-siddiq de Jigar se wahi tir phir par kar Tamanna ko sinon mein bedar kar Tere aasmanon ke taron ki KHair Zaminon ke shab zinda-daron ki KHair Jawanon ko soz-e-jigar baKHsh de Mera ishq meri nazar baKHsh de Meri naw girdab se par kar Ye sabit hai to is ko sayyar kar Bta mujh ko asrar-e-marg-o-hayat Ki teri nigahon mein hai kaenat Mere dida-e-tar ki be-KHwabiyan Mere dil ki poshida betabiyan Mere nala-e-nim-shab ka niyaz Meri KHalwat o anjuman ka gudaz Umangen meri aarzuen meri Ummiden meri justujuen meri Meri fitrat aaina-e-rozgar Ghazalan-e-afkar ka murgh-zar Mera dil meri razm-gah-e-hayat Gumanon ke lashkar yaqin ka sabaat Yahi kuch hai saqi mata-e-faqir Isi se faqiri mein hun main amir Mere qafile mein luTa de ise LuTa de Thikane laga de ise Dama-dam rawan hai yam-e-zindagi Har ek shai se paida ram-e-zindagi Isi se hui hai badan ki numud Ki sho'le mein poshida hai mauj-e-dud Giran garche hai sohbat-e-ab-o-gil KHush aai ise mehnat-e-ab-o-gil Ye sabit bhi hai aur sayyar bhi Anasir ke phandon se be-zar bhi Ye wahdat hai kasrat mein har dam asir Magar har kahin be-chugon be-nazir Ye aalam ye but-KHana-e-shash-jihat Isi ne tarasha hai ye somnat Pasand is ko takrar ki KHu nahin Ki tu main nahin aur main tu nahin Man o tu se hai anjuman-afrin Magar ain-e-mahfil mein KHalwat-nashin Chamak us ki bijli mein tare mein hai Ye chandi mein sone mein pare mein hai Usi ke bayaban usi ke babul Usi ke hain kanTe usi ke hain phul Kahin us ki taqat se kohsar chur Kahin us ke phande mein jibrail o hur Kahin jaza hai shahin simab rang Lahu se chakoron ke aaluda chang Kabutar kahin aashiyane se dur PhaDakta hua jal mein na-subur Fareb-e-nazar hai sukun o sabaat TaDapta hai har zarra-e-kaenat Thaharta nahin karwan-e-wajud Ki har lahz hai taza shan-e-wajud Samajhta hai tu raaz hai zindagi Faqat zauq-e-parwaz hai zindagi Bahut us ne dekhe hain past o buland Safar us ko manzil se baDh kar pasand Safar zindagi ke liye barg o saz Safar hai haqiqat hazar hai majaz Ulajh kar sulajhne mein lazzat use TaDapne phaDakne mein rahat use Hua jab use samna maut ka KaThin tha baDa thamna maut ka Utar kar jahan-e-makafat mein Rahi zindagi maut ki ghat mein Mazaq-e-dui se bani zauj zauj UThi dasht o kohsar se fauj fauj Gul is shaKH se TuTte bhi rahe Isi shaKH se phuTte bhi rahe Samajhte hain nadan use be-sabaat Ubharta hai miT miT ke naqsh-e-hayat BaDi tez jaulan baDi zud-ras Azal se abad tak ram-e-yak-nafs Zamana ki zanjir-e-ayyam hai Damon ke ulaT-pher ka nam hai Ye mauj-e-nafs kya hai talwar hai KHudi kya hai talwar ki dhaar hai KHudi kya hai raaz-darun-hayat KHudi kya hai bedari-e-kaenat KHudi jalwa badmast o KHalwat-pasand Samundar hai ek bund pani mein band Andhere ujale mein hai tabnak Man o tu mein paida man o tu se pak Azal us ke pichhe abad samne Na had us ke pichhe na had samne Zamane ke dariya mein bahti hui Sitam us ki maujon ke sahti hui Tajassus ki rahen badalti hui Dama-dam nigahen badalti hui Subuk us ke hathon mein sang-e-giran PahaD us ki zarbon se reg-e-rawan Safar us ka anjam o aaghaz hai Yahi us ki taqwim ka raaz hai Kiran chand mein hai sharar sang mein Ye be-rang hai Dub kar rang mein Ise wasta kya kam-o-besh se Nasheb o faraaz o pas-o-pesh se Azal se hai ye kashmakash mein asir Hui KHak-e-adam mein surat-pazir KHudi ka nasheman tere dil mein hai Falak jis tarah aankh ke til mein hai KHudi ke nigahban ko hai zahr-nab Wo nan jis se jati rahe us ki aab Wahi nan hai us ke liye arjumand Rahe jis se duniya mein gardan buland KHudi fal-e-mahmud se darguzar KHudi par nigah rakh ayazi na kar Wahi sajda hai laiq-e-ehtimam Ki ho jis se har sajda tujh par haram Ye aalam ye hangama-e-rang-o-saut Ye aalam ki hai zer-e-farman-e-maut Ye aalam ye but-KHana-e-chashm-o-gosh Jahan zindagi hai faqat KHurd o nosh KHudi ki ye hai manzil-e-awwalin Musafir ye tera nasheman nahin Teri aag is KHak-dan se nahin Jahan tujh se hai tu jahan se nahin BaDhe ja ye koh-e-giran tod kar Tilism-e-zaman-o-makan tod kar KHudi sher-e-maula jahan us ka said Zamin us ki said aasman us ka said Jahan aur bhi hain abhi be-numud Ki KHali nahin hai zamir-e-wajud Har ek muntazir teri yalghaar ka Teri shauKHi-e-fikr-o-kirdar ka Ye hai maqsad gardish-e-rozgar Ki teri KHudi tujh pe ho aashkar Tu hai fatah-e-alam-e-KHub-o-zisht Tujhe kya bataun teri sarnawisht Haqiqat pe hai jama-e-harf-e-tang Haqiqat hai aaina-e-guftar-e-zang Farozan hai sine mein sham-e-nafas Magar tab-e-guftar rakhti hai bas Agar yak-sar-e-mu-e-bartar param Farogh-e-tajalli ba-sozad param