samaa saktaa nahin pahnaa e fitrat men miraa sauda

Samaa saktaa naheen pahnaa-e-fitrat men miraa sauda Ghalat thaa ai junoon shaayad tiraa andaaza-e-sahraa Khudee se is tilism-e-rang-o-boo ko toD sakte hain Yahee tauheed thee jis ko na too samjhaa na main samjhaa Nigah paidaa kar ai ghaafil tajallee ain-e-fitrat hai Ki apnee mauj se begaana rah saktaa naheen Dariya Raqaabat 'ilm o 'irfaan men ghalat-beenee hai mimbar kee Ki wo hallaaj kee suulee ko samjhaa hai raqeeb apna Khuda ke paak bandon ko hukoomat men ghulaamee men Zirah koee agar mahfooz rakhtee hai to istighnaa Na kar taqleed ai jibreel mere jazb-o-mastee kee Tan-aasaan arshiyon ko zikr o tasbeeh o tavaaf aulaa Bahut dekhe hain main ne mashriq o maghrib ke mai-khaane Yahaan saaqee naheen paidaa vahaan be-zauq hai sahbaa Na eeraan men rahe baaqee na tooraan men rahe baaqee Wo bande faqr thaa jin kaa halaak-e-qaisar-o-kisraa Yahee shaikh-e-haram hai jo churaa kar bech khaataa hai Galeem-e-boozar o dalq-e-uves o chaadar-e-zahraa Huzoor-e-haq men israafeel ne meree shikaayat kee Ye banda vaqt se pahle qayaamat kar na de barpaa Nidaa aa.ee ki aashob-e-qayaamat se ye kya kam hai Girafta cheeniyaan ehraam o makkee khufta dar bat.haa Labaalab sheesha-e-tahzeeb-e-haazir hai mai-e-laa se Magar saaqee ke haathon men naheen paimaana-e-illaa Dabaa rakkhaa hai is ko zakhma-var kee tez-dastee ne Bahut neeche suron men hai abhee europe kaa vaavailaa Isee Dariya se uThtee hai wo mauj-e-tund-jaulaan bhee Nahangon ke nasheman jis se hote hain tah-o-baalaa Ghulaamee kya hai zauq-e-husn-o-zebaa.ee se mahroomee Jise zebaa kahen aazaad bande hai vahee zebaa Bharosaa kar naheen sakte ghulaamon kee baseerat par Ki Dunya men faqat mardaan-e-hur kee aankh hai biinaa Vahee hai saahib-e-imroz jis ne apnee himmat se Zamaane ke samundar se nikaalaa gauhar-e-fardaa Farangee sheeshagar ke fan se patthar ho ga.e paanee Miree ikseer ne sheeshe ko bakhshee sakhtee-e-khaaraa Rahe hain aur hain fir.aun meree ghaat men ab tak Magar kya gham ki meree aasteen men hai yad-e-baizaa Wo chingaaree khas-o-khaashaak se kis tarah dab jaa.e Jise haq ne kiyaa ho neestaan ke vaaste paidaa Mohabbat kheshtan biinee mohabbat kheshtan daaree Mohabbat aastaan-e-qaisar-o-kisraa se be-parvaa 'ajab kya gar mah o parveen mire nakhcheer ho jaa.en Ki bar fitraak-e-saahib daulat-e-bastam sar-e-khud raa Wo daana-e-subul khatmur-rusul maulaa-e-kul jis ne Ghubaar-e-raah ko bakhshaa farogh-e-vaadee-e-seenaa Nigaah-e-ishq o mastee men vahee avval vahee aakhir Vahee qur.aan vahee furqaan vahee yaaseen vahee taahaa 'sanaa.ee' ke adab se main ne ghavvaasee na kee varna Abhee is bahr men baaqee hain laakhon loolu-e-laalaa