taraana e millii chiin o arab hamaaraa hindostaan hamaaraa

Cheen-o-arab hamaaraa hindostaan hamaaraa Muslim hain ham vatan hai sara jahaan hamaaraa Tauheed kee amaanat seenon men hai hamaare Aasaan nahin miTaanaa naam-o-nishaan hamaaraa Duniyaa ke but-kadon men pahlaa wo ghar khuda kaa Ham is ke paasbaan hain wo paasbaan hamaaraa Teghon ke saa.e men ham pal kar javaan hue hain Khanjar hilaal kaa hai qaumee nishaan hamaaraa Maghrib kee vaadiyon men goonjee azaan hamaaree Thamtaa na tha kisee se sail-e-ravaan hamaaraa Baatil se dabne vaale ai aasmaan nahin ham Sau baar kar chukaa hai too imtihaan hamaaraa Ai gulistaan-e-undulus wo din hain yaad tujh ko Thaa teree Daaliyon men jab aashiyaan hamaaraa Ai mauj-e-dajla too bhee pahchaantee hai ham ko Ab tak hai teraa Dariya afsaana-khvaan hamaaraa Ai arz-e-paak teree hurmat pe kaT mare ham Hai Khoon tiree ragon men ab tak ravaan hamaaraa Saalaar-e-kaarvaan hai meer-e-hijaaz apna Is naam se hai baaqee aaraam-e-jaan hamaaraa 'iqbaal' kaa taraana baang-e-daraa hai goyaa Hotaa hai jaada-paimaa phir kaarvaan hamaaraa Chin-o-arab hamara hindostan hamara Muslim hain hum watan hai sara jahan hamara Tauhid ki amanat sinon mein hai hamare Aasan nahin miTana nam-o-nishan hamara Duniya ke but-kadon mein pahla wo ghar KHuda ka Hum is ke pasban hain wo pasban hamara Teghon ke sae mein hum pal kar jawan hue hain KHanjar hilal ka hai qaumi nishan hamara Maghrib ki wadiyon mein gunji azan hamari Thamta na tha kisi se sail-e-rawan hamara Baatil se dabne wale ai aasman nahin hum Sau bar kar chuka hai tu imtihan hamara Ai gulistan-e-undulus wo din hain yaad tujh ko Tha teri Daliyon mein jab aashiyan hamara Ai mauj-e-dajla tu bhi pahchanti hai hum ko Ab tak hai tera dariya afsana-KHwan hamara Ai arz-e-pak teri hurmat pe kaT mare hum Hai KHun teri ragon mein ab tak rawan hamara Salar-e-karwan hai mir-e-hijaz apna Is nam se hai baqi aaram-e-jaan hamara 'iqbaal' ka tarana bang-e-dara hai goya Hota hai jada-paima phir karwan hamara