tasviir e dard nahin minnat kash e taab e shuniidan daastaan meri

Nahin minnat-kash-e-taab-e-shuneedan daastaan meree Khamoshee guftugoo hai be-zabaanee hai zabaan meree Ye dastoor-e-zabaan-bandee hai kaisaa teree mahfil men Yahaan to baat karne ko tarastee hai zabaan meree UThaa.e kuch varaq laale ne kuch nargis ne kuch gul ne Chaman men har taraf bikhree huee hai daastaan meree UDaa lee qumriyon ne tootiyon ne andaleebon ne Chaman vaalon ne mil kar luuT lee tarz-e-fughaan meree Tapak ai sham.a aansoo ban ke parvaane kee aankhon se Saraapaa dard hoon hasrat bharee hai daastaan meree Ilaahee phir maza kya hai yahaan dunya men rehne kaa Hayaat-e-jaavedaan meree na marg-e-naa-gahaan meree Miraa ronaa nahin ronaa hai ye saare gulistaan kaa Vo gul hoon main khizaan har gul kee hai goyaa khizaan meree Dareen hasrat saraa umreest afsoon-e-jaras daaram Z faiz-e-dil tapeedan-haa kharosh-e-be-nafas daaram Riyaaz-e-dahr men naa-aashnaa-e-bazm-e-ishrat hoon Khushee rotee hai jis ko main wo mahroom-e-masarrat hoon Miree bigDee huee taqdeer ko rotee hai goyaa.ee Main harf-e-zer-e-lab sharminda-e-gosh-e-samaa.at hoon Pareshaan hoon main musht-e-khaak lekin kuch nahin khultaa Sikandar hoon ki aa.eena hoon yaa gard-e-kudoorat hoon Ye sab kuch hai magar hastee miree maqsad hai qudrat kaa Saraapaa nuur ho jis kee haqeeqat main wo zulmat hoon Khazeena hoon chhupaayaa mujh ko musht-e-khaak-e-sahraa ne Kisee ko kya khabar hai main kahaan hoon kis kee daulat hoon Nazar meree nahin mamnoon-e-sair-e-arsa-e-hastee Main wo chhoTee see dunya hoon ki aap apnee vilaayat hoon Na sahbaa hoon na saaqee hoon na mastee hoon na paimaana Main is mai-khaana-e-hastee men har shai kee haqeeqat hoon Mujhe raaz-e-do-aalam dil kaa aa.eena dikhaataa hai Vahee kahtaa hoon jo kuch saamne aankhon ke aataa hai Ataa aisa bayaan mujh ko huaa rangeen-bayaanon men Ki baam-e-arsh ke taa.ir hain mere ham-zabaanon men Asar ye bhee hai ik mere junoon-e-fitna-saamaan kaa Miraa aa.eena-e-dil hai qazaa ke raaz-daanon men Rulaataa hai tiraa nazzaara ai hindostaan mujh ko Ki ibrat-khez hai teraa fasaana sab fasaanon men Diyaa ronaa mujhe aisa ki sab kuch de diyaa goyaa Likhaa kalk-e-azal ne mujh ko tere nauha-khvaanon men Nishaan-e-barg-e-gul tak bhee na chhoD us baagh men gulcheen Tiree qismat se razm-aaraa.iyaan hain baaghbaanon men Chhupaa kar aasteen men bijliyaan rakkhee hain gardoon ne Anaadil baagh ke ghaafil na baiThen aashiyaanon men Sun ai ghaafil sadaa meree ye aisi chiiz hai jis ko Vazeefa jaan kar paDhte hain taa.ir bostaanon men Vatan kee fikr kar naadaan museebat aane vaalee hai Tiree barbaadiyon ke mashvare hain aasmaanon men Zaraa dekh us ko jo kuch ho raha hai hone vaalaa hai Dharaa kya hai bhalaa ahd-e-kuhan kee daastaanon men Ye khaamoshee kahaan tak lazzat-e-fariyaad paidaa kar Zameen par too ho aur teree sadaa ho aasmaanon men Na samjhoge to miT jaaoge ai hindostaan vaalo Tumhaaree daastaan tak bhee na hogee daastaanon men Yahee aa.een-e-qudrat hai yahee usloob-e-fitrat hai Jo hai raah-e-amal men gaam-zan mahboob-e-fitrat hai Huvaidaa aaj apne zakhm-e-pinhaan kar ke chhoDoongaa Lahoo ro ro ke mahfil ko gulistaan kar ke chhoDoongaa Jalaanaa hai mujhe har sham-e-dil ko soz-e-pinhaan se Tiree taareek raaton men charaaghaan kar ke chhoDoongaa Magar ghunchon kee soorat hoon dil-e-dard-aashnaa paidaa Chaman men musht-e-khaak apnee pareshaan kar ke chhoDoongaa Pironaa ek hee tasbeeh men in bikhre daanon ko Jo mushkil hai to is mushkil ko aasaan kar ke chhoDoongaa Mujhe ai ham-nasheen rehne de shaghl-e-seena-kaavee men Ki main daagh-e-mohabbat ko numaayaan kar ke chhoDoongaa Dikhaa doongaa jahaan ko jo miree aankhon ne dekhaa hai Tujhe bhee soorat-e-aa.eena hairaan kar ke chhoDoongaa Jo hai pardon men pinhaan chashm-e-beenaa dekh letee hai Zamaane kee tabee.at kaa taqaazaa dekh letee hai Kiyaa rif.at kee lazzat se na dil ko aashnaa too ne Gizaaree umr pastee men misaal-e-naqsh-e-paa too ne Rahaa dil-basta-e-mahfil magar apnee nigaahon ko Kiyaa bairoon-e-mahfil se na hairat-aashnaa too ne Fidaa kartaa raha dil ko haseenon kee adaaon par Magar dekhee na us aa.eene men apnee adaa too ne Ta.assub chhoD naadaan dahr ke aa.eena-khaane men Ye tasveeren hain teree jin ko samjhaa hai buraa too ne Saraapaa naala-e-bedaad-e-soz-e-zindagee ho jaa Sapand-aasaa girah men baandh rakkhee hai sadaa too ne Safaa-e-dil ko kya aaraa.ish-e-rang-e-ta.alluq se Kaf-e-aa.eena par baandhee hai o naadaan hinaa too ne Zameen kya aasmaan bhee teree kaj-beenee pe rotaa hai Ghazab hai satr-e-qur.aan ko chaleepaa kar diyaa too ne Zabaan se gar kiyaa tauheed kaa daavaa to kya haasil Banaayaa hai but-e-pindaar ko apna khuda too ne Kuen men too ne yoosuf ko jo dekhaa bhee to kya dekhaa Are ghaafil jo mutlaq tha muqayyad kar diyaa too ne Havas baalaa-e-mimbar hai tujhe rangeen-bayaanee kee Naseehat bhee tiree soorat hai ik afsaana-khvaanee kee Dikhaa wo husn-e-aalam-soz apnee chashm-e-pur-nam ko Jo taDpaataa hai parvaane ko rulvaataa hai shabnam ko Zaraa nazzaara hee ai bul-havas maqsad nahin us kaa Banaayaa hai kisee ne kuch samajh kar chashm-e-aadam ko Agar dekhaa bhee us ne saare aalam ko to kya dekhaa Nazar aa.ee na kuch apnee haqeeqat jaam se jam ko Shajar hai firqa-aaraa.ee ta.assub hai samar us kaa Ye wo phal hai ki jannat se nikalvaataa hai aadam ko Na uTThaa jazba-e-khursheed se ik barg-e-gul tak bhee Ye rif.at kee tamannaa hai ki le uDtee hai shabnam ko Phiraa karte nahin majrooh-e-ulfat fikr-e-darmaan men Ye zakhmee aap kar lete hain paidaa apne marham ko Mohabbat ke sharar se dil saraapaa nuur hota hai Zaraa se biij se paidaa riyaaz-e-toor hota hai Davaa har dukh kee hai majrooh-e-tegh-e-aarzoo rahnaa Ilaaj-e-zakhm hai aazaad-e-ehsaan-e-rafoo rahnaa Sharaab-e-be-khudee se taa-falak parvaaz hai meree Shikast-e-rang se seekhaa hai main ne ban ke boo rahnaa Thame kya deeda-e-giryaan vatan kee nauha-khvaanee men Ibaadat chashm-e-shaa.ir kee hai har dam baa-vazoo rahnaa Banaa.en kya samajh kar shaakh-e-gul par aashiyaan apna Chaman men aah kya rahnaa jo ho be-aabroo rahnaa Jo too samjhe to aazaadee hai posheeda mohabbat men Ghulaamee hai aseer-e-imtiyaaz-e-maa-o-too rahnaa Ye istighnaa hai paanee men nigoon rakhtaa hai saaghar ko Tujhe bhee chaahiye misl-e-habaab-e-aabjoo rahnaa Na rah apnon se be-parvaa isee men khair hai teree Agar manzoor hai dunya men o begaana-khoo rahnaa Sharaab-e-rooh-parvar hai mohabbat nau-e-insaan kee Sikhaayaa is ne mujh ko mast be-jaam-o-suboo rahnaa Mohabbat hee se paa.ee hai shifaa beemaar qaumon ne Kiyaa hai apne bakht-e-khufta ko bedaar qaumon ne Bayaabaan-e-mohabbat dasht-e-ghurbat bhee vatan bhee hai Ye veeraana qafas bhee aashiyaana bhee chaman bhee hai Mohabbat hee wo manzil hai ki manzil bhee hai sahraa bhee Jaras bhee kaarvaan bhee raahbar bhee raahzan bhee hai Maraz kahte hain sab is ko ye hai lekin maraz aisa Chhupaa jis men ilaaj-e-gardish-e-charkh-e-kuhan bhee hai Jalaanaa dil kaa hai goyaa saraapaa nuur ho jaanaa Ye parvaana jo sozaan ho to sham-e-anjuman bhee hai Vahee ik husn hai lekin nazar aataa hai har shai men Ye sheereen bhee hai goyaa be-sutoon bhee kohkan bhee hai UjaaDaa hai tameez-e-millat-o-aa.een ne qaumon ko Mire ahl-e-vatan ke dil men kuch fikr-e-vatan bhee hai Sukoot-aamoz tool-e-daastaan-e-dard hai varna Zabaan bhee hai hamaare munh men aur taab-e-sukhan bhee hai Namee-gardeed ko tah rishta-e-ma.anee rihaa kardam Hikaayat buud be-paayaan ba-khaamoshee adaa kardam Nahin minnat-kash-e-tab-e-shunidan dastan meri KHamoshi guftugu hai be-zabani hai zaban meri Ye dastur-e-zaban-bandi hai kaisa teri mahfil mein Yahan to baat karne ko tarasti hai zaban meri UThae kuch waraq lale ne kuch nargis ne kuch gul ne Chaman mein har taraf bikhri hui hai dastan meri UDa li qumriyon ne tutiyon ne andalibon ne Chaman walon ne mil kar luT li tarz-e-fughan meri Tapak ai shama aansu ban ke parwane ki aankhon se Sarapa dard hun hasrat bhari hai dastan meri Ilahi phir maza kya hai yahan duniya mein rehne ka Hayat-e-jawedan meri na marg-e-na-gahan meri Mera rona nahin rona hai ye sare gulistan ka Wo gul hun main KHizan har gul ki hai goya KHizan meri Darin hasrat sara umrist afsun-e-jaras daram Z faiz-e-dil tapidan-ha KHarosh-e-be-nafas daram Riyaz-e-dahr mein na-ashna-e-bazm-e-ishrat hun KHushi roti hai jis ko main wo mahrum-e-masarrat hun Meri bigDi hui taqdir ko roti hai goyai Main harf-e-zer-e-lab sharminda-e-gosh-e-samaat hun Pareshan hun main musht-e-KHak lekin kuch nahin khulta Sikandar hun ki aaina hun ya gard-e-kudurat hun Ye sab kuch hai magar hasti meri maqsad hai qudrat ka Sarapa nur ho jis ki haqiqat main wo zulmat hun KHazina hun chhupaya mujh ko musht-e-KHak-e-sahra ne Kisi ko kya KHabar hai main kahan hun kis ki daulat hun Nazar meri nahin mamnun-e-sair-e-arsa-e-hasti Main wo chhoTi si duniya hun ki aap apni wilayat hun Na sahba hun na saqi hun na masti hun na paimana Main is mai-KHana-e-hasti mein har shai ki haqiqat hun Mujhe raaz-e-do-alam dil ka aaina dikhata hai Wahi kahta hun jo kuch samne aankhon ke aata hai Ata aisa bayan mujh ko hua rangin-bayanon mein Ki baam-e-arsh ke tair hain mere ham-zabanon mein Asar ye bhi hai ek mere junun-e-fitna-saman ka Mera aaina-e-dil hai qaza ke raaz-danon mein Rulata hai tera nazzara ai hindostan mujh ko Ki ibrat-KHez hai tera fasana sab fasanon mein Diya rona mujhe aisa ki sab kuch de diya goya Likha kalk-e-azal ne mujh ko tere nauha-KHwanon mein Nishan-e-barg-e-gul tak bhi na chhoD us bagh mein gulchin Teri qismat se razm-araiyan hain baghbanon mein Chhupa kar aastin mein bijliyan rakkhi hain gardun ne Anadil bagh ke ghafil na baiThen aashiyanon mein Sun ai ghafil sada meri ye aisi chiz hai jis ko Wazifa jaan kar paDhte hain tair bostanon mein Watan ki fikr kar nadan musibat aane wali hai Teri barbaadiyon ke mashware hain aasmanon mein Zara dekh us ko jo kuch ho raha hai hone wala hai Dhara kya hai bhala ahd-e-kuhan ki dastanon mein Ye KHamoshi kahan tak lazzat-e-fariyaad paida kar Zamin par tu ho aur teri sada ho aasmanon mein Na samjhoge to miT jaoge ai hindostan walo Tumhaari dastan tak bhi na hogi dastanon mein Yahi aain-e-qudrat hai yahi uslub-e-fitrat hai Jo hai rah-e-amal mein gam-zan mahbub-e-fitrat hai Huwaida aaj apne zaKHm-e-pinhan kar ke chhoDunga Lahu ro ro ke mahfil ko gulistan kar ke chhoDunga Jalana hai mujhe har sham-e-dil ko soz-e-pinhan se Teri tarik raaton mein charaghan kar ke chhoDunga Magar ghunchon ki surat hun dil-e-dard-ashna paida Chaman mein musht-e-KHak apni pareshan kar ke chhoDunga Pirona ek hi tasbih mein in bikhre danon ko Jo mushkil hai to is mushkil ko aasan kar ke chhoDunga Mujhe ai ham-nashin rehne de shaghl-e-sina-kawi mein Ki main dagh-e-mohabbat ko numayan kar ke chhoDunga Dikha dunga jahan ko jo meri aankhon ne dekha hai Tujhe bhi surat-e-aina hairan kar ke chhoDunga Jo hai pardon mein pinhan chashm-e-bina dekh leti hai Zamane ki tabiat ka taqaza dekh leti hai Kiya rifat ki lazzat se na dil ko aashna tu ne Gizari umr pasti mein misal-e-naqsh-e-pa tu ne Raha dil-basta-e-mahfil magar apni nigahon ko Kiya bairun-e-mahfil se na hairat-ashna tu ne Fida karta raha dil ko hasinon ki adaon par Magar dekhi na us aaine mein apni ada tu ne Tassub chhoD nadan dahr ke aaina-KHane mein Ye taswiren hain teri jin ko samjha hai bura tu ne Sarapa nala-e-bedad-e-soz-e-zindagi ho ja Sapand-asa girah mein bandh rakkhi hai sada tu ne Safa-e-dil ko kya aaraish-e-rang-e-talluq se Kaf-e-aina par bandhi hai o nadan hina tu ne Zamin kya aasman bhi teri kaj-bini pe rota hai Ghazab hai satr-e-quran ko chalipa kar diya tu ne Zaban se gar kiya tauhid ka dawa to kya hasil Banaya hai but-e-pindar ko apna KHuda tu ne Kuen mein tu ne yusuf ko jo dekha bhi to kya dekha Are ghafil jo mutlaq tha muqayyad kar diya tu ne Hawas baala-e-mimbar hai tujhe rangin-bayani ki Nasihat bhi teri surat hai ek afsana-KHwani ki Dikha wo husn-e-alam-soz apni chashm-e-pur-nam ko Jo taDpata hai parwane ko rulwata hai shabnam ko Zara nazzara hi ai bul-hawas maqsad nahin us ka Banaya hai kisi ne kuch samajh kar chashm-e-adam ko Agar dekha bhi us ne sare aalam ko to kya dekha Nazar aai na kuch apni haqiqat jam se jam ko Shajar hai firqa-arai tassub hai samar us ka Ye wo phal hai ki jannat se nikalwata hai aadam ko Na uTTha jazba-e-KHurshid se ek barg-e-gul tak bhi Ye rifat ki tamanna hai ki le uDti hai shabnam ko Phira karte nahin majruh-e-ulfat fikr-e-darman mein Ye zaKHmi aap kar lete hain paida apne marham ko Mohabbat ke sharar se dil sarapa nur hota hai Zara se bij se paida riyaz-e-tur hota hai Dawa har dukh ki hai majruh-e-tegh-e-arzu rahna Ilaj-e-zaKHm hai aazad-e-ehsan-e-rafu rahna Sharab-e-be-KHudi se ta-falak parwaz hai meri Shikast-e-rang se sikha hai main ne ban ke bu rahna Thame kya dida-e-giryan watan ki nauha-KHwani mein Ibaadat chashm-e-shair ki hai har dam ba-wazu rahna Banaen kya samajh kar shaKH-e-gul par aashiyan apna Chaman mein aah kya rahna jo ho be-abru rahna Jo tu samjhe to aazadi hai poshida mohabbat mein Ghulami hai asir-e-imtiyaz-e-ma-o-tu rahna Ye istighna hai pani mein nigun rakhta hai saghar ko Tujhe bhi chahiye misl-e-habab-e-abju rahna Na rah apnon se be-parwa isi mein KHair hai teri Agar manzur hai duniya mein o begana-KHu rahna Sharab-e-ruh-parwar hai mohabbat nau-e-insan ki Sikhaya is ne mujh ko mast be-jam-o-subu rahna Mohabbat hi se pai hai shifa bimar qaumon ne Kiya hai apne baKHt-e-KHufta ko bedar qaumon ne Bayaban-e-mohabbat dasht-e-ghurbat bhi watan bhi hai Ye virana qafas bhi aashiyana bhi chaman bhi hai Mohabbat hi wo manzil hai ki manzil bhi hai sahra bhi Jaras bhi karwan bhi rahbar bhi rahzan bhi hai Maraz kahte hain sab is ko ye hai lekin maraz aisa Chhupa jis mein ilaj-e-gardish-e-charKH-e-kuhan bhi hai Jalana dil ka hai goya sarapa nur ho jaana Ye parwana jo sozan ho to sham-e-anjuman bhi hai Wahi ek husn hai lekin nazar aata hai har shai mein Ye shirin bhi hai goya be-sutun bhi kohkan bhi hai UjaDa hai tamiz-e-millat-o-ain ne qaumon ko Mere ahl-e-watan ke dil mein kuch fikr-e-watan bhi hai Sukut-amoz tul-e-dastan-e-dard hai warna Zaban bhi hai hamare munh mein aur tab-e-suKHan bhi hai Nami-gardid ko tah rishta-e-mani riha kardam Hikayat bud be-payan ba-KHamoshi ada kardam