tire ishq ki intihaa chaahtaa hoon

Tire ishq kee intihaa chaahtaa hoon Miree saadgee dekh kya chaahtaa hoon Sitam ho ki ho vada-e-be-hijaabee Koee baat sabr-aazmaa chaahtaa hoon Ye jannat mubaarak rahe zaahidon ko Ki main aap kaa saamnaa chaahtaa hoon Zaraa saa to dil hoon magar shokh itnaa Vahee lan-taraanee sunaa chaahtaa hoon Koee dam kaa mehmaan hoon ai ahl-e-mahfil Charaagh-e-sahar hoon bujhaa chaahtaa hoon Bharee bazm men raaz kee baat kah dee BaDaa be-adab hoon sazaa chaahtaa hoon