tuu Abhi rahguzar men hai qaid e maqaam se guzar
— Allama Iqbal
Too abhee rahguzar men hai qaid-e-maqaam se guzar
Misr o hijaaz se guzar paaras o shaam se guzar
Jis kaa amal hai be-gharaz us kee jazaa kuch aur hai
Huur o khiyaam se guzar baada-o-jaam se guzar
Garche hai dil-kushaa bahut husn-e-farang kee bahaar
Taa.erak-e-buland-baam daana-o-daam se guzar
Koh-shigaaf teree zarb tujh se kushaad-e-sharq-o-gharb
Tegh-e-hilaal kee tarah aish-e-niyaam se guzar
Teraa imaam be-huzoor teree namaaz be-suroor
Aisi namaaz se guzar aise imaam se guzar