vaalida marhuuma ki yaad men zarra zarra dahr kaa zindaanii e taqdiir hai

Zarra zarra dahr kaa zindaanee-e-taqdeer hai Parda-e-majbooree o bechaargee tadbeer hai Aasmaan majboor hai shams o qamar majboor hain Anjum-e-seemaab-paa raftaar par majboor hain Hai shikast anjaam ghunche kaa suboo gulzaar men Sabza o gul bhee hain majboor-e-numoo gulzaar men Naghma-e-bulbul ho yaa awaaz-e-khaamosh-e-zameer Hai isee zanjeer-e-aalam-geer men har shai asiir Aankh par hota hai jab ye sirr-e-majbooree ayaan Khushk ho jaataa hai dil men ashk kaa sail-e-ravaan Qalb-e-insaanee men raqs-e-aish-o-gham rahtaa nahin Naghma rah jaataa hai lutf-e-zer-o-bam rahtaa nahin Ilm o hikmat rahzan-e-saamaan-e-ashk-o-aah hai Ya.anee ik almaas kaa TukDaa dil-e-aagaah hai Garche mere baagh men shabnam kee shaadaabee nahin Aankh meree maaya-daar-e-ashk-e-unnaabee nahin Jaantaa hoon aah men aalaam-e-insaanee kaa raaz Hai navaa-e-shikva se khaalee miree fitrat kaa saaz Mere lab par qissa-e-nairangi-e-dauraan nahin Dil miraa hairaan nahin khanda nahin giryaan nahin Par tiree tasveer qaasid girya-e-paiham kee hai Aah ye tardeed meree hikmat-e-mohkam kee hai Girya-e-sarshaar se buniyaad-e-jaan paa.inda hai Dard ke irfaan se aql-e-sang-dil sharminda hai Mauj-e-dood-e-aah se aa.eena hai raushan miraa Ganj-e-aab-aavrd se maamoor hai daaman miraa Hairatee hoon main tiree tasveer ke e.ajaaz kaa Rukh badal Daalaa hai jis ne waqt kee parvaaz kaa Rafta o haazir ko goyaa paa-ba-paa is ne kiyaa Ahd-e-tiflee se mujhe phir aashnaa is ne kiyaa Jab tire daaman men paltee thee wo jaan-e-naa-tavaan Baat se achchhee tarah mahram na thee jis kee zabaan Aur ab charche hain jis kee shokhee-e-guftaar ke Be-bahaa motee hain jis kee chashm-e-gauhar-baar ke Ilm kee sanjeeda-guftaaree buDhaape kaa shu.oor Dunyavee e.azaaz kee shaukat javaanee kaa ghuroor Zindagee kee auj-gaahon se utar aate hain ham Sohbat-e-maadar men tifl-e-saada rah jaate hain ham Be-takalluf khanda-zan hain fikr se aazaad hain Phir usee kho.e hue firdaus men aabaad hain Kis ko ab hogaa vatan men aah meraa intizaar Kaun meraa khat na aane se rahegaa be-qaraar Khaak-e-marqad par tiree le kar ye fariyaad aa.oongaa Ab duaa-e-neem-shab men kis ko main yaad aa.oongaa Tarbiyat se teree men anjum kaa ham-qismat huaa Ghar mire ajdaad kaa sarmaaya-e-izzat huaa Daftar-e-hastee men thee zarreen varaq teree hayaat Thee saraapaa diin o dunya kaa sabaq teree hayaat Umr bhar teree mohabbat meree khidmat-gar rahi Main tiree khidmat ke qaabil jab huaa too chal basee Vo javaan-qaamat men hai jo soorat-e-sarv-e-buland Teree khidmat se huaa jo mujh se baDh kar bahra-mand Kaarobaar-e-zindagaanee men wo ham-pahloo miraa Vo mohabbat men tiree tasveer wo baazoo miraa Tujh ko misl-e-tiflak-e-be-dast-o-paa rotaa hai wo Sabr se naa-aashnaa sub.h o masaa rotaa hai wo Tukhm jis kaa too hamaaree kisht-e-jaan men bo ga.ee Shirkat-e-gham se wo ulfat aur mohkam ho ga.ee Aah ye dunya ye maatam-khaana-e-barnaa-o-peer Aadmee hai kis tilism-e-dosh-o-fardaa men asiir Kitnee mushkil zindagee hai kis qadar aasaan hai maut Gulshan-e-hastee men maanind-e-naseem arzaan hai maut Zalzale hain bijliyaan hain qaht hain aalaam hain Kaisee kaisee dukhtaraan-e-maadar-e-ayyaam hain Kalba-e-iflaas men daulat ke kaashaane men maut Dasht o dar men shahr men gulshan men veeraane men maut Maut hai hangaama-aaraa qulzum-e-khaamosh men Duub jaate hain safeene mauj kee aaghosh men Ne majaal-e-shikva hai ne taaqat-e-guftaar hai Zindagaanee kya hai ik tauq-e-guloo-afshaar hai Qaafile men ghair fariyaad-e-diraa kuch bhee nahin Ik mataa-e-deeda-e-tar ke sivaa kuch bhee nahin Khatm ho jaa.egaa lekin imtihaan kaa daur bhee Hain pas-e-noh parda-e-gardoon abhee daur aur bhee Siina chaak is gulsitaan men laala-o-gul hain to kya Naala o fariyaad par majboor bulbul hain to kya JhaaDiyaan jin ke qafas men qaid hai aah-e-khizaan Sabz kar degee unhen baad-e-bahaar-e-jaavedaan Khufta-khaak-e-pai sipar men hai sharaar apna to kya Aarzee mahmil hai ye musht-e-ghubaar apna to kya Zindagee kee aag kaa anjaam khaakistar nahin TooTnaa jis kaa muqaddar ho ye wo gauhar nahin Zindagee mahboob aisi deeda-e-qudrat men hai Zauq-e-hifz-e-zindagee har chiiz kee fitrat men hai Maut ke haathon se miT saktaa agar naqsh-e-hayaat Aam yuun us ko na kar deta nizaam-e-kaa.enaat Hai agar arzaan to ye samjho ajal kuch bhee nahin Jis tarah sone se jiine men khalal kuch bhee nahin Aah ghaafil maut kaa raaz-e-nihaan kuch aur hai Naqsh kee naa-paa.edaaree se ayaan kuch aur hai Jannat-e-nazaara hai naqsh-e-havaa baalaa-e-aab Mauj-e-muztar tod kar ta.ameer kartee hai habaab Mauj ke daaman men phir us ko chhupaa detee hai ye Kitnee bedardee se naqsh apna miTaa detee hai ye Phir na kar saktee habaab apna agar paidaa havaa ToDne men us ke yuun hotee na be-parvaa havaa Is ravish kaa kya asar hai haiyat-e-taameer par Ye to hujjat hai havaa kee quvvat-e-taameer par Fitrat-e-hastee shaheed-e-aarzoo rahtee na ho Khoob-tar paikar kee us ko justujoo rahtee na ho Aah seemaab-e-pareshaan anjum-e-gardoon-faroz Shokh ye chingaariyaan mamnoon-e-shab hai jin kaa soz Aql jis se sar-ba-zaanoo hai wo muddat in kee hai Sarguzisht-e-nau-e-insaan ek saa.at un kee hai Phir ye insaan aan soo-e-aflaak hai jis kee nazar Qudsiyon se bhee maqaasid men hai jo paakeeza-tar Jo misaal-e-sham.a raushan mahfil-e-qudrat men hai Aasmaan ik nuqta jis kee vus.at-e-fitrat men hai Jis kee naadaanee sadaaqat ke liye betaab hai Jis kaa naakhun saaz-e-hastee ke liye mizraab hai Sho.ala ye kam-tar hai gardoon ke sharaaron se bhee kya Kam-bahaa hai aaftaab apna sitaaron se bhee kya Tukhm-e-gul kee aankh zer-e-khaak bhee be-khvaab hai Kis qadar nashv-o-numaa ke vaaste betaab hai Zindagee kaa sho.ala is daane men jo mastoor hai Khud-numaa.ee khud-fazaa.ee ke liye majboor hai Sardi-e-marqad se bhee afsurda ho saktaa nahin Khaak men dab kar bhee apna soz kho saktaa nahin Phuul ban kar apnee turbat se nikal aataa hai ye Maut se goyaa qabaa-e-zindagee paataa hai ye Hai lahad is quvvat-e-aashufta kee sheeraaza-band Daaltee hai gardan-e-gardoon men jo apnee kamand Maut tajdeed-e-mazaaq-e-zindagee kaa naam hai Khvaab ke parde men bedaaree kaa ik paighaam hai Khoogar-e-parvaaz ko parvaaz men Dar kuch nahin Maut is gulshan men juz sanjeedan-e-par kuch nahin Kahte hain ahl-e-jahaan dard-e-ajal hai laa-davaa Zakhm-e-furqat waqt ke marham se paataa hai shifaa Dil magar gham marne vaalon kaa jahaan aabaad hai Halqa-e-zanjeer-e-sub.h-o-shaam se aazaad hai Vaqt ke afsoon se thamtaa naala-e-maatam nahin Vaqt zakhm-e-tegh-e-furqat kaa koi marham nahin Sar pe aa jaatee hai jab koi museebat naa-gahaan Ashk paiham deeda-e-insaan se hote hain ravaan Rabt ho jaataa hai dil ko naala o fariyaad se Khoon-e-dil bahtaa hai aankhon kee sarishk-aabaad se Aadmee taab-e-shakebaa.ee se go mahroom hai Us kee fitrat men ye ik ehsaas-e-naa-maaloom hai Jauhar-e-insaan adam se aashnaa hota nahin Aankh se ghaa.eb to hota hai fanaa hota nahin Rakht-e-hastee khaak-e-gham kee sho.ala-afshaanee se hai Sard ye aag is lateef ehsaas ke paanee se hai Aah ye zabt-e-fughaan ghaflat kee khaamoshee nahin Aagahee hai ye dilaasaa.ee faraamoshee nahin Parda-e-mashriq se jis dam jalva-gar hotee hai sub.h Daagh shab kaa daaman-e-aafaaq se dhotee hai sub.h Laala-e-afsurda ko aatish-qabaa kartee hai ye Be-zabaan taa.ir ko sarmast-e-navaa kartee hai ye Seena-e-bulbul ke zindaan se sarod aazaad hai SaikDon naghmon se baad-e-sub.h-dam-aabaad hai Khuftagaan-e-laala-zaar o kohsaar o ruud baar Hote hain aakhir uroos-e-zindagee se ham-kanaar Ye agar aa.een-e-hastee hai ki ho har shaam sub.h Marqad-e-insaan kee shab kaa kyuun na ho anjaam sub.h Daam-e-seemeen-e-takhayyul hai miraa aafaaq-geer Kar liyaa hai jis se teree yaad ko main ne asiir Yaad se teree dil-e-dard aashnaa maamoor hai Jaise ka.abe men duaaon se fazaa maamoor hai Vo faraa.ez kaa tasalsul naam hai jis kaa hayaat Jalva-gaahen us kee hain laakhon jahaan-e-be-sabaat Mukhtalif har manzil-e-hastee ko rasm-o-raah hai Aakhirat bhee zindagee kee ek jaulaan-gaah hai Hai vahaan be-haasilee kisht-e-ajal ke vaaste Saazgaar aab-o-havaa tukhm-e-amal ke vaaste Noor-e-fitrat zulmat-e-paikar kaa zindaanee nahin Tang aisa halqa-e-afkaar-e-insaanee nahin Zindagaanee thee tiree mahtaab se taabinda-tar Khoob-tar tha sub.h ke taare se bhee teraa safar Misl-e-aivaan-e-sahar marqad farozaan ho tiraa Nuur se maamoor ye khaakee shabistaan ho tiraa Aasmaan teree lahad par shabnam-afshaanee kare Sabza-e-nau-rasta is ghar kee nigahbaanee kare Zarra zarra dahr ka zindani-e-taqdir hai Parda-e-majburi o bechaargi tadbir hai Aasman majbur hai shams o qamar majbur hain Anjum-e-simab-pa raftar par majbur hain Hai shikast anjam ghunche ka subu gulzar mein Sabza o gul bhi hain majbur-e-numu gulzar mein Naghma-e-bulbul ho ya aawaz-e-KHamosh-e-zamir Hai isi zanjir-e-alam-gir mein har shai asir Aankh par hota hai jab ye sirr-e-majburi ayan KHushk ho jata hai dil mein ashk ka sail-e-rawan Qalb-e-insani mein raqs-e-aish-o-gham rehta nahin Naghma rah jata hai lutf-e-zer-o-bam rehta nahin Ilm o hikmat rahzan-e-saman-e-ashk-o-ah hai Yani ek almas ka TukDa dil-e-agah hai Garche mere bagh mein shabnam ki shadabi nahin Aankh meri maya-dar-e-ashk-e-unnabi nahin Jaanta hun aah mein aalam-e-insani ka raaz Hai nawa-e-shikwa se KHali meri fitrat ka saz Mere lab par qissa-e-nairangi-e-dauran nahin Dil mera hairan nahin KHanda nahin giryan nahin Par teri taswir qasid girya-e-paiham ki hai Aah ye tardid meri hikmat-e-mohkam ki hai Girya-e-sarshaar se buniyaad-e-jaan painda hai Dard ke irfan se aql-e-sang-dil sharminda hai Mauj-e-dud-e-ah se aaina hai raushan mera Ganj-e-ab-awrd se mamur hai daman mera Hairati hun main teri taswir ke eajaz ka RuKH badal Dala hai jis ne waqt ki parwaz ka Rafta o hazir ko goya pa-ba-pa is ne kiya Ahd-e-tifli se mujhe phir aashna is ne kiya Jab tere daman mein palti thi wo jaan-e-na-tawan Baat se achchhi tarah mahram na thi jis ki zaban Aur ab charche hain jis ki shoKHi-e-guftar ke Be-baha moti hain jis ki chashm-e-gauhar-bar ke Ilm ki sanjida-guftari buDhape ka shuur Dunyawi eazaz ki shaukat jawani ka ghurur Zindagi ki auj-gahon se utar aate hain hum Sohbat-e-madar mein tifl-e-sada rah jate hain hum Be-takalluf KHanda-zan hain fikr se aazad hain Phir usi khoe hue firdaus mein aabaad hain Kis ko ab hoga watan mein aah mera intizar Kaun mera KHat na aane se rahega be-qarar KHak-e-marqad par teri le kar ye fariyaad aaunga Ab dua-e-nim-shab mein kis ko main yaad aaunga Tarbiyat se teri mein anjum ka ham-qismat hua Ghar mere ajdad ka sarmaya-e-izzat hua Daftar-e-hasti mein thi zarrin waraq teri hayat Thi sarapa din o duniya ka sabaq teri hayat Umr bhar teri mohabbat meri KHidmat-gar rahi Main teri KHidmat ke qabil jab hua tu chal basi Wo jawan-qamat mein hai jo surat-e-sarw-e-buland Teri KHidmat se hua jo mujh se baDh kar bahra-mand Karobar-e-zindagani mein wo ham-pahlu mera Wo mohabbat mein teri taswir wo bazu mera Tujh ko misl-e-tiflak-e-be-dast-o-pa rota hai wo Sabr se na-ashna subh o masa rota hai wo TuKHm jis ka tu hamari kisht-e-jaan mein bo gai Shirkat-e-gham se wo ulfat aur mohkam ho gai Aah ye duniya ye matam-KHana-e-barna-o-pir Aadmi hai kis tilism-e-dosh-o-farda mein asir Kitni mushkil zindagi hai kis qadar aasan hai maut Gulshan-e-hasti mein manind-e-nasim arzan hai maut Zalzale hain bijliyan hain qaht hain aalam hain Kaisi kaisi duKHtaran-e-madar-e-ayyam hain Kalba-e-iflas mein daulat ke kashane mein maut Dasht o dar mein shahr mein gulshan mein virane mein maut Maut hai hangama-ara qulzum-e-KHamosh mein Dub jate hain safine mauj ki aaghosh mein Ne majal-e-shikwa hai ne taqat-e-guftar hai Zindagani kya hai ek tauq-e-gulu-afshaar hai Qafile mein ghair fariyaad-e-dira kuch bhi nahin Ek mata-e-dida-e-tar ke siwa kuch bhi nahin KHatm ho jaega lekin imtihan ka daur bhi Hain pas-e-noh parda-e-gardun abhi daur aur bhi Sina chaak is gulsitan mein lala-o-gul hain to kya Nala o fariyaad par majbur bulbul hain to kya JhaDiyan jin ke qafas mein qaid hai aah-e-KHizan Sabz kar degi unhen baad-e-bahaar-e-jawedan KHufta-KHak-e-pai sipar mein hai sharar apna to kya Aarzi mahmil hai ye musht-e-ghubar apna to kya Zindagi ki aag ka anjam KHakistar nahin TuTna jis ka muqaddar ho ye wo gauhar nahin Zindagi mahbub aisi dida-e-qudrat mein hai Zauq-e-hifz-e-zindagi har chiz ki fitrat mein hai Maut ke hathon se miT sakta agar naqsh-e-hayat Aam yun us ko na kar deta nizam-e-kaenat Hai agar arzan to ye samjho ajal kuch bhi nahin Jis tarah sone se jine mein KHalal kuch bhi nahin Aah ghafil maut ka raaz-e-nihan kuch aur hai Naqsh ki na-paedari se ayan kuch aur hai Jannat-e-nazara hai naqsh-e-hawa baala-e-ab Mauj-e-muztar tod kar tamir karti hai habab Mauj ke daman mein phir us ko chhupa deti hai ye Kitni bedardi se naqsh apna miTa deti hai ye Phir na kar sakti habab apna agar paida hawa ToDne mein us ke yun hoti na be-parwa hawa Is rawish ka kya asar hai haiyat-e-tamir par Ye to hujjat hai hawa ki quwwat-e-tamir par Fitrat-e-hasti shahid-e-arzu rahti na ho KHub-tar paikar ki us ko justuju rahti na ho Aah simab-e-pareshan anjum-e-gardun-faroz ShoKH ye chingariyan mamnun-e-shab hai jin ka soz Aql jis se sar-ba-zanu hai wo muddat in ki hai Sarguzisht-e-nau-e-insan ek saat un ki hai Phir ye insan aan su-e-aflak hai jis ki nazar Qudsiyon se bhi maqasid mein hai jo pakiza-tar Jo misal-e-shama raushan mahfil-e-qudrat mein hai Aasman ek nuqta jis ki wusat-e-fitrat mein hai Jis ki nadani sadaqat ke liye betab hai Jis ka naKHun saz-e-hasti ke liye mizrab hai Shoala ye kam-tar hai gardun ke shararon se bhi kya Kam-baha hai aaftab apna sitaron se bhi kya TuKHm-e-gul ki aankh zer-e-KHak bhi be-KHwab hai Kis qadar nashw-o-numa ke waste betab hai Zindagi ka shoala is dane mein jo mastur hai KHud-numai KHud-fazai ke liye majbur hai Sardi-e-marqad se bhi afsurda ho sakta nahin KHak mein dab kar bhi apna soz kho sakta nahin Phul ban kar apni turbat se nikal aata hai ye Maut se goya qaba-e-zindagi pata hai ye Hai lahad is quwwat-e-ashufta ki shiraaza-band Dalti hai gardan-e-gardun mein jo apni kamand Maut tajdid-e-mazaq-e-zindagi ka nam hai KHwab ke parde mein bedari ka ek paigham hai KHugar-e-parwaz ko parwaz mein Dar kuch nahin Maut is gulshan mein juz sanjidan-e-par kuch nahin Kahte hain ahl-e-jahan dard-e-ajal hai la-dawa ZaKHm-e-furqat waqt ke marham se pata hai shifa Dil magar gham marne walon ka jahan aabaad hai Halqa-e-zanjir-e-subh-o-sham se aazad hai Waqt ke afsun se thamta nala-e-matam nahin Waqt zaKHm-e-tegh-e-furqat ka koi marham nahin Sar pe aa jati hai jab koi musibat na-gahan Ashk paiham dida-e-insan se hote hain rawan Rabt ho jata hai dil ko nala o fariyaad se KHun-e-dil bahta hai aankhon ki sarishk-abaad se Aadmi tab-e-shakebai se go mahrum hai Us ki fitrat mein ye ek ehsas-e-na-malum hai Jauhar-e-insan adam se aashna hota nahin Aankh se ghaeb to hota hai fana hota nahin RaKHt-e-hasti KHak-e-gham ki shoala-afshani se hai Sard ye aag is latif ehsas ke pani se hai Aah ye zabt-e-fughan ghaflat ki KHamoshi nahin Aagahi hai ye dilasai faramoshi nahin Parda-e-mashriq se jis dam jalwa-gar hoti hai subh Dagh shab ka daman-e-afaq se dhoti hai subh Lala-e-afsurda ko aatish-qaba karti hai ye Be-zaban tair ko sarmast-e-nawa karti hai ye Sina-e-bulbul ke zindan se sarod aazad hai SaikDon naghmon se baad-e-subh-dam-abaad hai KHuftagan-e-lala-zar o kohsar o rud bar Hote hain aaKHir urus-e-zindagi se ham-kanar Ye agar aain-e-hasti hai ki ho har sham subh Marqad-e-insan ki shab ka kyun na ho anjam subh Dam-e-simin-e-taKHayyul hai mera aafaq-gir Kar liya hai jis se teri yaad ko main ne asir Yaad se teri dil-e-dard aashna mamur hai Jaise kabe mein duaon se faza mamur hai Wo faraez ka tasalsul nam hai jis ka hayat Jalwa-gahen us ki hain lakhon jahan-e-be-sabaat MuKHtalif har manzil-e-hasti ko rasm-o-rah hai AaKHirat bhi zindagi ki ek jaulan-gah hai Hai wahan be-hasili kisht-e-ajal ke waste Sazgar aab-o-hawa tuKHm-e-amal ke waste Nur-e-fitrat zulmat-e-paikar ka zindani nahin Tang aisa halqa-e-afkar-e-insani nahin Zindagani thi teri mahtab se tabinda-tar KHub-tar tha subh ke tare se bhi tera safar Misl-e-aiwan-e-sahar marqad farozan ho tera Nur se mamur ye KHaki shabistan ho tera Aasman teri lahad par shabnam-afshani kare Sabza-e-nau-rasta is ghar ki nigahbani kare