zamistaanii havaa men garche thii shamshiir ki tezii
— Allama Iqbal
Zamistaanee havaa men garche thee shamsheer kee tezee
Na chhooTe mujh se london men bhee aadaab-e-sahar-khezee
Kaheen sarmaaya-e-mahfil thee meree garm-guftaaree
Kaheen sab ko pareshaan kar ga.ee meree kam-aamezee
Zamaam-e-kaar agar mazdoor ke haathon men ho phir kya
Tareeq-e-koh-kan men bhee vahee hiile hain parvezee
Jalaal-e-paadshaahee ho ki jamhooree tamaashaa ho
Judaa ho diin siyaasat se to rah jaatee hai changezee
Savaad-e-raumat-ul-kubraa men dillee yaad aatee hai
Vahee ibrat vahee azmat vahee shaan-e-dil-aavezee