ab wo aglaa saa iltifaat nahiin

Ab wo aglaa saa iltifaat nahin Jis pe bhoole the ham wo baat nahin Mujh ko tum se e'timaad-e-wafa Tum ko mujh se par iltifaat nahin Ranj kya kya hain ek jaan ke saath Zindagee maut hai hayaat nahin Yoonhee guzre to sahl hai lekin Fursat-e-gham ko bhee sabaat nahin Koi dil-soz ho to kiije bayaan Sarsaree dil kee vaardaat nahin Zarra zarra hai maz.har-e-khursheed Jaag ai aankh din hai raat nahin Qais ho kohkan ho yaa 'haalee' Aashiqee kuchh kisee kee zaat nahin