baat kuchh ham se ban na aaii aaj

Baat kuchh ham se ban na aa.ee aaj Bol kar ham ne munh kee khaa.ee aaj Chup par apnee bharam the kya kya kuchh Baat bigDee banee banaa.ee aaj Shikva karne kee khoo na thee apnee Par tabee.at hee kuchh bhar aa.ee aaj Bazm saaqee ne dee ulaT saaree Khuub bhar bhar ke khum lunDhaa.ee aaj Ma.asiyat par hai der se yaa rab Nafs aur shara men laDaa.ee aaj Ghaalib aataa hai nafs-e-doon yaa shar.a Dekhnee hai tiree khudaa.ee aaj Chor hai dil men kuchh na kuchh yaaro Niind phir raat bhar na aa.ee aaj Zad se ulfat kee bach ke chalnaa thaa Muft 'haalee' ne choT khaa.ee aaj