burii aur bhalii sab guzar jaaegii
— Altaf Hussain Hali
Buree aur bhalee sab guzar jaa.egee
Ye kashtee yoonhee paar utar jaa.egee
Milegaa na gulcheen ko gul kaa pataa
Har ik pankhuDee yuun bikhar jaa.egee
Rahenge na mallaah ye din sadaa
Koi din men gangaa utar jaa.egee
Idhar ek ham aur zamaana udhar
Ye baazee to so bisve har jaa.egee
BanaavaT kee shekhee nahin rahtee shaikh
Ye 'izzat to jaa.egee par jaa.egee
Na puuree huee hain umeeden na hon
Yoonhee 'umr saaree guzar jaa.egee
Sunenge na 'haalee' kee kab tak sadaa
Yahee ek din kaam kar jaa.egee