dhuum thii apnii paarsaaii kii

Dhuum thee apnee paarsaa.ee kee Kee bhee aur kis se aashnaa.ee kee Kyuun baDhaate ho ikhtilaat bahut Ham ko taaqat nahin judaa.ee kee Munh kahaan tak chhupaaoge ham se Tum ko aadat hai khud-numaa.ee kee Laag men hain lagaao kee baaten Sulh men chheD hai laDaa.ee kee Milte ghairon se ho milo lekin Ham se baaten karo safaa.ee kee Dil rahaa paa-e-band-e-ulfat-e-daam Thee abas aarzoo rihaa.ee kee Dil bhee pahloo men ho to yaan kis se Rakhiye ummeed dilrubaa.ee kee Shahr o dariyaa se baagh o sahraa se Boo nahin aatee aashnaa.ee kee Na milaa koi ghaarat-e-eemaan Rah ga.ee sharm paarsaa.ee kee Bakht-e-ham-daastaani-e-shaidaa Too ne aakhir ko naa-rasaa.ee kee Sohbat-e-gaah-gaahi-e-rashkee Too ne bhee ham se bevafaa.ee kee Maut kee tarah jis se Darte the Saa.at aa pahunchee us judaa.ee kee Zinda phirne kee hai havas 'haalee' Intihaa hai ye be-hayaa.ee kee