dil ko dard aashnaa kiyaa tuu ne

Dil ko dard-aashnaa kiyaa too ne Dard-e-dil ko davaa kiyaa too ne Tab-e-insaan ko dee sirisht-e-wafa Khaak ko keemiyaa kiyaa too ne Vasl-e-jaanaan muhaal Thahraayaa Qatl-e-aashiq ravaa kiyaa too ne Thaa na juz gham bisaat-e-aashiq men Gham ko raahat-fazaa kiyaa too ne Jaan thee ik vabaal furqat men Shauq ko jaan-guzaa kiyaa too ne Thee mohabbat men nang minnat-e-ghair Jazb-e-dil ko rasaa kiyaa too ne Raah zaahid ko jab kaheen na milee Dar-e-mai-khaana vaa kiyaa too ne Qat.a hone hee jab lagaa paivand Ghair ko aashnaa kiyaa too ne Thee jahaan kaarvaan ko denee raah Ishq ko rahnumaa kiyaa too ne Naav bhar kar jahaan Dubonee thee Aql ko naakhudaa kiyaa too ne BaDh ga.ee jab pidar ko mehr-e-pisar Us ko us se judaa kiyaa too ne Jab huaa mulk o maal rahzan-e-hosh Baadshah ko gadaa kiyaa too ne Jab milee kaam-e-jaan ko lazzat-e-dard Dard ko be-davaa kiyaa too ne Jab diyaa raah-rau ko zauq-e-talab Sa.ee ko naa-rasaa kiyaa too ne Parda-e-chashm the hijaab bahut Husn ko khud-numaa kiyaa too ne Ishq ko taab-e-intizaar na thee Ghurfa ik dil men vaa kiyaa too ne Haram aabaad aur dair kharaab Jo kiyaa sab bajaa kiyaa too ne Sakht afsurda tab.a thee ahbaab Ham ko jaadoo navaa kiyaa too ne Phir jo dekhaa to kuchh na thaa yaa rab Kaun poochhe ki kya kiyaa too ne 'haalee' uTThaa hilaa ke mahfil ko Aakhir apnaa kahaa kiyaa too ne