haqiiqat mahram e asraar se puuchh

Haqeeqat mahram-e-asraar se poochh Mazaa angoor kaa mai-khvaar se poochh Wafa aghyaar kee aghyaar se sun Miree ulfat dar o deevaar se poochh Hamaaree aah-e-be-taaseer kaa haal Kuchh apne dil se kuchh aghyaar se poochh Dilon men Daalnaa zauq-e-aseeree Kamand-e-gesoo-e-khamdaar se poochh Dil-e-mahjoor se sun lazzat-e-vasl Nashaat-e-aafiyat beemaar se poochh Nahin juz girya-e-gham haasil-e-ishq Hamaaree chashm-e-dariyaa-baar se poochh Nahin aab-e-baqaa juz jalva-e-dost Kisee lab-tishna-e-deedaar se poochh Fareb-e-waada-e-dildaar kee qadr Shaheed-e-khanjar-e-inkaar se poochh Fughaan-e-shauq ko maane nahin vasl Ye nukta andaleeb-e-zaar se poochh Tasavvur men kiyaa karte hain jo ham Wo tasveer-e-khayaal-e-yaar se poochh Mataa-e-be-bahaa hai sher-e-'haalee' Miree qeemat miree guftaar se poochh