ishq ko tark e junoon se kya garaz

Ishq ko tark-e-junoon se kya gharaz Charkh-e-gardaan ko sukoon se kya gharaz Dil men hai ai khizr gar sidaq-e-talab Raah-rau ko rah-numon se kya gharaz Haajiyo hai ham ko ghar vaale se kaam Ghar ke mehraab o sutoon se kya gharaz Gungunaa kar aap ro paDte hain jo Un ko chang o arghanoon se kya gharaz Nek kahnaa nek jis ko dekhnaa Ham ko tafteesh-e-daroon se kya gharaz Dost hain jab zakhm-e-dil se be-khabar Un ko apne ashk-e-khoon se kya gharaz Ishq se hai mujtanib zaahid abas Sher ko said-e-zaboon se kya gharaz Kar chukaa jab shaikh taskheer-e-quloob Ab use duniyaa-e-doon se kya gharaz Aa.e ho 'haalee' pa.e-tasleem yaan Aap ko choon-o-chagoon se kya gharaz