kar ke biimaar dii davaa tuu ne

Kar ke beemaar dee davaa too ne Jaan se pahle dil liyaa too ne Rah-rav-e-tishna-lab na ghabraanaa Ab liyaa chashma-e-baqaa too ne Shaikh jab dil hee dair men na lagaa Aa ke masjid se kya liyaa too ne Duur ho ai dil-e-ma.aal andesh Kho diyaa umr kaa mazaa too ne Ek begaana vaar kar ke nigaah Kya kiyaa chashm-e-aashnaa too ne Dil o diin kho ke aa.e the soo-e-dair Yaan bhee sab kuchh diyaa khudaa too ne Khush hai ummeed-e-khuld par 'haalee' Koi poochhe ki kya kiyaa too ne