main to main gair ko marne se ab inkaar nahiin

Main to main ghair ko marne se ab inkaar nahin Ik qayaamat hai tire haath men talvaar nahin Kuchh pataa manzil-e-maqsood kaa paayaa ham ne Jab ye jaanaa ki hamen taaqat-e-raftaar nahin Chashm-e-bad-door bahut phirte hain aghyaar ke saath Ghairat-e-ishq se ab tak wo khabar-daar nahin Ho chukaa naaz uThaane men hai go kaam tamaam Lillaahil-hamd ki baaham koi takraar nahin Muddaton rashk ne aghyaar se milne na diyaa Dil ne aakhir ye diyaa hukm ki kuchh aar nahin Asl maqsood kaa har chiiz men miltaa hai pataa Varna ham aur kisee shai ke talabgaar nahin Baat jo dil men chhupaate nahin bantee 'haalee' Sakht mushkil hai ki wo qaabil-e-iz.haar nahin