ranj aur ranj bhii tanhaaii kaa

Ranj aur ranj bhee tanhaa.ee kaa Vaqt pahunchaa miree rusvaa.ee kaa Umr shaayad na kare aaj wafa KaaTnaa hai shab-e-tanhaa.ee kaa Tum ne kyuun vasl men pahloo badlaa Kis ko da.avaa hai shakebaa.ee kaa Ek din raah pe jaa pahunche ham Shauq thaa baadiya-paimaa.ee kaa Us se naadaan hee ban kar miliye Kuchh ijaara nahin daanaa.ee kaa Saat pardon men nahin Thairtee aankh Hausla kya hai tamaashaa.ee kaa Darmiyaan paa-e-nazar hai jab tak Ham ko da.avaa nahin beenaa.ee kaa Kuchh to hai qadr tamaashaa.ee kee Hai jo ye shauq khud-aaraa.ee kaa Us ko chhoDaa to hai lekin ai dil Mujh ko Dar hai tiree khud-raa.ee kaa Bazm-e-dushman men na jee se utraa Poochhnaa kya tiree zebaa.ee kaa Yahee anjaam thaa ai fasl-e-khizaan Gul o bulbul kee shanaasaa.ee kaa Madad ai jazba-e-taufeeq ki yaan Ho chukaa kaam tavaanaa.ee kaa Mohtasib uzr bahut hain lekin Izn ham ko nahin goyaa.ee kaa Honge 'haalee' se bahut aavaara Ghar abhee duur hai rusvaa.ee kaa