vaan agar jaaen to le kar jaaen kya

Vaan agar jaa.en to le kar jaa.en kya Munh use ham jaa ke ye dikhlaa.en kya Dil men hai baaqee vahee hirs-e-gunaah Phir kiye se apne ham pachhtaa.en kya Aao len us ko hameen jaa kar manaa Us kee be-parvaa.iyon par jaa.en kya Dil ko masjid se na mandir se hai uns Aise vahshee ko kaheen bahlaa.en kya Jaantaa duniyaa ko hai ik khel too Khel qudrat ke tujhe dikhlaa.en kya Umr kee manzil to juun tuun kaT ga.ee Marhale ab dekhiye pesh aa.en kya Dil ko sab baaton kee hai naaseh khabar Samjhe samjhaa.e ko bas samjhaa.en kya Maan liije shaikh jo da.avaa kare Ik buzurg-e-deen ko ham jhuTlaa.en kya Ho chuke 'haalee' ghazal-khvaanee ke din Raagnee be-vaqt kee ab gaa.en kya