vasl kaa us ke dil e zaar tamannaaii hai

Vasl kaa us ke dil-e-zaar tamannaa.ee hai Na mulaaqaat hai jis se na shanaasaa.ee hai Qat.a ummeed ne dil kar diye yaksoo sad shukr Shakl muddat men ye allaah ne dikhlaa.ee hai Quvvat-e-dast-e-khudaa.ee hai shakebaa.ee men Vaqt jab aa ke paDaa hai yahee kaam aa.ee hai Dar nahin ghair kaa jo kuchh hai so apnaa Dar hai Ham ne jab khaa.ee hai apne hee se zak khaa.ee hai Nashe men chuur na hon jhaanjh men makhmoor na hon Pand ye peer-e-kharaabaat ne farmaa.ee hai Nazar aatee nahin ab dil men tamannaa koi Baad muddat ke tamannaa miree bar aa.ee hai Baat sachchee kahee aur ungliyaan uTTheen sab kee Sach men 'haalee' koi rusvaa.ee see rusvaa.ee hai