baat karne men to jaatii hai mulaaqaat ki raat

Baat karne men to jaatee hai mulaaqaat kee raat Kya baree baat hai rah jaao yaheen raat kee raat Zarre afshaan ke naheen kirmak-e-shab-taab se kam Hai wo zulf-e-araq-aalood ki barsaat kee raat Zaahid us zulf men phans jaa.e to itnaa poochhoon Kahiye kis tarah kaTee qibla-e-haajaat kee raat Shaam se sub.h talak chalte hain jaam-e-mai-e-aish Khuub hotee hai basar ahl-e-kharaabaat kee raat Vasl chaahaa shab-e-me.araaj to ye uzr kiyaa Hai ye allaah o payambar kee mulaaqaat kee raat Ham musaafir hain ye Dunya hai haqeeqat men saraa Hai tavaqquf hamen is jaa to faqat raat kee raat Chal ke ab so raho baaten na banaao saahib Vasl kee shab hai naheen harf-e-hikaayaat kee raat Lailatul-qadr hai vaslat kee duaa maang 'ameer' Is se behtar hai kahaan koee munaajaat kee raat