chup bhi ho bak raha hai kya vaaiz

Chup bhee ho bak raha hai kya vaa.iz Maghz rindon kaa khaa gaya vaa.iz Tere kahne se rind jaa.enge Ye to hai khaana-e-khuda vaa.iz Allaah allaah ye kibr aur ye ghuroor Kya khuda kaa hai doosraa vaa.iz Be-khataa mai-kashon pe chashm-e-ghazab Hashr hone de dekhnaa vaa.iz Ham hain qaht-e-sharaab se beemaar Kis maraz kee hai too davaa vaa.iz Rah chukaa mai-kade men saaree umr Kabhee mai-khaane men bhee aa vaa.iz Hajv-e-mai kar raha thaa mimbar par Ham jo pahunche to pee gaya vaa.iz Dukht-e-raz ko buraa mire aage Phir na kahnaa kabhee sunaa vaa.iz Aaj kartaa hoon vasf-e-mai main 'ameer' Dekhoon kahtaa hai is men kya vaa.iz