gale men haath the shab us parii se raahen thiin

Gale men haath the shab us paree se raahen thiin Sahar huee to wo aankhen na wo nigaahen thiin Nikal ke chehre pe maidaan saaf khat ne kiyaa Kabhi ye shahr tha aisa ki band raahen thiin Firaaq men tire aashiq ko jaa ke kal dekhaa Ki wo to hech tha kuch ashk the kuch aa.hen thiin Bagoole ab hain ki ghurbat hai gor-e-shaahan par Saron pe chatr jilau men kabhi sipaahen thiin Hazaaron loT ga.e kal uThee jo wo chilman Khadang moo-e-mizha barchhiyaan nigaahen thiin Kiyaa ye shauq ne andhaa mujhe na soojhaa kuch Vagarna rabt kee us se hazaar raahen thiin Ye zo.af hai ki nikaltee nahin hain ab dil se Kabhi falak se bhee oonchee hamaaree aa.hen thiin Jigar men hijr kee kal chubh rahi thiin kuch faansen Magar jo ghaur se dekhaa tiree nigaahen thiin Pahunch ga.e sar-e-manzil chale jo chaal na.ee Unheen men pher tha dekhee huee jo raahen thiin Falak ke daur se dunya badal ga.ee varna Jahaan bane hain ye mai-khaane khaan-qaahen thiin Ye zo.af ab hai ki hilnaa giraan hai qadmon ko Subuk-ravee men kabhi in ko dastgaahen thiin Mushaa.ere se haseen kyuun na chheen le jaate Rubaa.iyaan miree chaugoshiya kulaahen thiin Haseen zar ke hain taalib ki ab hain gird-e-'ameer' Ghareeb ham the to ye pyaar tha na chaahen thiin