guzar ko hai bahut auqaat thodii

Guzar ko hai bahut auqaat thoDee Ki hai ye tuul qissa raat thoDee Jo mai zaahid ne maangee mast bole Bahut yaa qibla-e-haajaat thoDee Kahaan ghuncha kahaan us kaa dahan tang BaDhaa.ee shaa.eron ne baat thoDee UThe kya zaanoo-e-gham se sar apna Bahut guzree rahi haihaat thoDee Khayaal-e-zabt-e-girya hai jo ham ko Bahut imsaal hai barsaat thoDee Pilaa.e le ke naqd-e-hosh saaqee Tahee-daston kee hai auqaat thoDee Vahee hai aasmaan par ganj-e-anjum Milee thee jo tiree khairaat thoDee Tiraa ai dukht-e-raz vaasif hai vaa.iz Pa.e-hurmat hai itnee baat thoDee Chalo manzil 'ameer' aankhen to kholo Nihaayat rah ga.ee hai raat thoDee