ham jo mast e sharaab hote hain

Ham jo mast-e-sharaab hote hain Zarre se aaftaab hote hain Hai kharaabaat sohbat-e-vaa.iz Log naahaq kharaab hote hain Kya kahen kaise roz o shab ham se Amal-e-naa-savaab hote hain Baadshah hain gadaa, gadaa sultaan Kuch na.e inqalaab hote hain Ham jo karte hain mai-kade men duaa Ahl-e-masjid ko khvaab hote hain Vahee rah jaate hain zabaanon par Sher jo intikhaab hote hain Kahte hain mast rind-e-saudaai Khuub ham ko khitaab hote hain Aansuon se 'ameer' hain rusvaa Aise laDke azaab hote hain