ham sar e zulf qad e huur e shamaail thahraa

Ham-sar-e-zulf qad-e-hoor-e-shamaa.il Thahraa Laam kaa khuub alif madd-e-muqaabil Thahraa Deeda-e-tar se jo daaman men giraa dil Thahraa Bahte bahte ye safeena lab-e-saahil Thahraa Kee nazar roo-e-kitaabee pe to Kuch dil Thahraa Maktab-e-shauq bhee qur.aan kee manzil Thahraa Nighat-e-gul se pareshaan huaa us kaa dimaagh Khanda-e-gul na huaa shor-e-anaadil Thahraa Najd se qais jo aayaa mare zindaan kee taraf Der tak gosh-bar-awaaz-e-salaasil Thahraa Husn jis tifl kaa chamkaa wo huaa baa.is-e-qatl Jis ne talvaar sambhaalee miraa qaatil Thahraa Khat jo niklaa rukh-e-jaanaan pe milaa bosa-e-khaal Yahee daana faqat is kisht kaa haasil Thahraa Alam ik nuqta jo mash.hoor thaa ai josh-e-junoon Ghaur se kee jo nazar nuqta-e-baatil Thahraa Duur jab tak the taDaptaa thaa men kaisaa kaisaa Paas aa kar wo jo Thahre to miraa dil Thahraa Kasrat-e-daagh se gul-dasta banaa dil to kya Zeenat-e-baagh na aaraa.ish-e-mahfil Thahraa DauDtaa qais bhee aataa hai nihaayat hee qareeb Ik zaraa naaqe ko ai saahib-e-mahmil Thahraa Dam jo betaab thaa muddat se mire siine men Tegh-e-qaatil ke tale Kuch dam-e-bismil Thahraa Ham baDee duur se aa.e hain tumhaaraa hai ye haal Ghar se darvaaze tak aanaa ka.ee manzil Thahraa Ab tak aatee hai sadaa turbat-e-lailaa se 'ameer' Saarbaan ab to khuda ke liye mahmil Thahraa