huaa jo paivand main zameen kaa to dil huaa shaad mujh haziin kaa
— Ameer Minai
Huaa jo paivand main zameen kaa to dil huaa shaad mujh hazeen kaa
Bas ab iraada nahin kaheen kaa ki rehne vaalaa hoon main yaheen kaa
Qareeb hai yaaro roz-e-mahshar chhupegaa kushton kaa Khoon kyoon-kar
Jo chup rahegee zabaan-e-khanjar lahoo pukaaregaa aasteen kaa
Havaa-e-mai men hoon mahv aisa chaman men ghir kar jo abr aaya
Siyah-mastee men main ye samjhaa jahaaz hai aab-e-aatasheen kaa
'ameer' dekhaa jo us kaa naqsha to naqsha yoosuf kaa dil se utraa
Ki naqsh-e-saanee ke aage hota farogh kya naqsh-e-avvaleen kaa