Kuch khaar hi nahin mire daaman ke yaar hain

Kuch khaar hee naheen mire daaman ke yaar hain Gardan men tauq bhee to laDakpan ke yaar hain Siina ho kushtagaan-e-mohabbat kaa yaa galaa Donon ye tere khanjar-e-aahan ke yaar hain Khaatir hamaaree kartaa hai dair-o-haram men kaun Ham to na shaikh ke na barahman ke yaar hain Kya poochhtaa hai mujh se nishaan sail-o-barq kaa Donon qadeem se mire khirman ke yaar hain Kya garm hain ki kahte hain khoobaan-e-lucknow London ko jaa.en wo jo firangan ke yaar hain Wo dushmanee karen to karen ikhtiyaar hai Ham to adoo ke dost hain dushman ke yaar hain Kuch is chaman men sabza-e-begaana ham naheen Nargis ke dost laala-o-sausan ke yaar hain KaanTe hain jitne vaadee-e-ghurbat ke ai junoon Sab aasteen ke jeb ke daaman ke yaar hain Gum-gashtagee men raah bataataa hai ham ko kaun Hai khizr jin kaa naam wo rahzan ke yaar hain Chalte hain shauq-e-barq-e-tajallee men kya hai khauf Cheete tamaam vaadee-e-aiman ke yaar hain Piiree mujhe chhuDaatee hai ahbaab se 'ameer' Dandaan naheen ye mere laDakpan ke yaar hain