main ro ke aah karuungaa jahaan rahe na rahe

Main ro ke aah karoongaa jahaan rahe na rahe Zameen rahe na rahe aasmaan rahe na rahe Rahe wo jaan-e-jahaan ye jahaan rahe na rahe Makeen kee khair ho yaa rab makaan rahe na rahe Abhee mazaar par ahbaab faatiha paDh len Phir is qadar bhee hamaaraa nishaan rahe na rahe Khuda ke vaaste kalma buton kaa paDh zaahid Phir ikhtiyaar men ghaafil zabaan rahe na rahe Khizaan to khair se guzree chaman men bulbul kee Bahaar aa.ee hai ab aashiyaan rahe na rahe Chalaa to hoon pa.e iz.haar-e-dard-e-dil dekhoon Huzoor-e-yaar majaal-e-bayaan rahe na rahe 'ameer' jamaa hain ahbaab dard-e-dil kah le Phir iltifaat-e-dil-e-dostaan rahe na rahe