mire bas men yaa to yaa rab wo sitam shiaar hota

Mire bas men yaa to yaa-rab wo sitam-shi.aar hota Ye na tha to kaash dil par mujhe ikhtiyaar hota Pas-e-marg kaash yuun hee mujhe vasl-e-yaar hota Wo sar-e-mazaar hota main tah-e-mazaar hota Tiraa mai-kada salaamat tire khum kee khair saaqee Miraa nashsha kyuun utartaa mujhe kyuun khumaar hota Main hoon naa-muraad aisa ki bilak ke yaas rotee Kaheen paa ke aasraa kuch jo umeed-vaar hota Nahin poochhtaa hai mujh ko koi phuul is chaman men Dil-e-daagh-daar hota to gale kaa haar hota Wo mazaa diyaa taDap ne ki ye aarzoo hai yaa-rab Mire donon pahluon men dil-e-be-qaraar hota Dam-e-naz.a bhee jo wo but mujhe aa ke munh dikhaataa To khuda ke munh se itnaa na main sharmsaar hota Na malak savaal karte na lahad fishaar detee Sar-e-raah-e-koo-e-qaatil jo miraa mazaar hota Jo nigaah kee thee zaalim to phir aankh kyuun churaa.ee Vahee tiir kyuun na maaraa jo jigar ke paar hota Main zabaan se tum ko sachchaa kaho laakh baar kah duun Ise kya karoon ki dil ko nahin aitbaar hota Miree khaak bhee lahad men na rahi 'ameer' baaqee Unhen marne hee kaa ab tak nahin aitbaar hota