mujh mast ko mai ki buu bahut hai

Mujh mast ko mai kee boo bahut hai Deevaane ko ek hoo bahut hai Motee kee tarah jo ho khuda-daad ThoDee see bhee aabroo bahut hai Jaate hain jo sabr-o-hosh jaa.en Mujh ko ai dard too bahut hai Maanind-e-kaleem baDh na ai dil Ye dard kee guftugoo bahut hai Be-kaif ho mai to khum ke khum kya Achchhee ho to ik suboo bahut hai Kya vasl kee shab men mushkilen hain Fursat kam aarzoo bahut hai Manzoor hai khoon-e-dil jo ai yaas Apne liye aarzoo bahut hai Ai nashtar-e-gham ho laakh tan-e-khushk Tere dam ko lahoo bahut hai ChheDe wo mizha to kyuun main ro.uun Aankhon men khalish ko moo bahut hai Ghunche kee tarah chaman men saaqee Apna hee mujhe suboo bahut hai Kya gham hai 'ameer' agar naheen maal Is vaqt men aabroo bahut hai