na bevafaaii kaa dar thaa na gam judaaii kaa

Na bevafaa.ee kaa Dar thaa na gham judaa.ee kaa Mazaa men kya kahoon aaghaaz-e-aashnaa.ee kaa Kahaan naheen hai tamaashaa tiree khuda.ee kaa Magar jo dekhne de ro.ab kibriyaa.ee kaa Wo naa-tavaan hoon agar nabz ko huee jumbish To saaf joD judaa ho gaya kalaa.ee kaa Shab-e-visaal bahut kam hai aasmaan se kaho Ki joD de koee TukDaa shab-e-judaa.ee kaa Ye josh-e-husn se tang aa.ee hai qabaa in kee Ki band band hai khvaahaan girah-kushaa.ee kaa Kamaan haath se rakh said-gaah-e-irfaan men Ki tiir said hai yaan daam-e-naa-rasaa.ee kaa Wo bad-naseeb hoon yaar aa.e mere ghar to bane SimaT ke vasl kee shab til rukh-e-judaa.ee kaa Hazaaron kaafir o momin paDe hain sajde men Buton ke ghar men bhee saamaan hai khuda.ee kaa Tamaam ho ga.e ham pahle hee nigaah men haif Na raat vasl kee dekhee na din judaa.ee kaa Naheen hai mohr lifaafa pe khat ke ai qaasid Ye daagh hai miree qismat kee naa-rasaa.ee kaa Naqaab Daal ke ai aaftaab-e-hashr nikal Khuda se Dar ye kaheen din hai khud-numaa.ee kaa Naheen qaraar ghaDee bhar kisee ke pahloo men Ye zauq hai tire naavak ko dilrubaa.ee kaa Maree taraf se koee jaa ke kohkan se kahe Naheen naheen ye mahal zor-aazmaa.ee kaa Kahaa jo main ne ki main khaak-e-raah hoon teraa To bole hai abhee pindaar khud-numaa.ee kaa Junoon jo meree taraf ho wo jast-o-khez karoon Ki dil ho Toot ke TukDe shikasta-paa.ee kaa 'ameer' roiye apne naseeb ko aisa Ki ho saped siyah abr naa-rasaa.ee kaa