pilaa saaqiyaa argavaanii sharaab

Pilaa saaqiyaa arghavaanee sharaab Ki piiree men de naujavaanee sharaab Wo sho.ala hai saaqee ki ranjak kee tarah UDaa detee hai naa-tavaanee sharaab Kahaan baada-e-aish taqdeer men Piyoon main to ho jaa.e paanee sharaab Na laayaa hai sheesha na jaam-o-suboo Pilaataa hai saaqee zabaanee sharaab Kahaan aql-e-barnaa kahaan aql-e-peer Na.e se hai behtar puraanee sharaab Mire chehra-e-zard ke aks se Huee saaqiyaa za.afraanee sharaab Hue mast dekhaa jo phoolon kaa rang Piyaalon men thee arghavaanee sharaab Kahaan chashma-e-khizr kaise khizar Khizar hai miree zindagaanee sharaab Khizar hoon agar main to jaa kar piyoon Sar-e-chashma-e-zindagaanee sharaab Gulistaan hai phoolon se kya laal laal Chale saaqiyaa arghavaanee sharaab Ajab saaqiyaa gandumee rang hai Ki partav se bantee hai dhaanee sharaab Rahe taaq par paarsaa.ee 'ameer' Pilaa.e jo wo yaar-e-jaanee sharaab