qibla e dil kaaba e jaan aur hai

Qibla-e-dil kaaba-e-jaan aur hai Sajda-gaah-e-ahl-e-irfaan aur hai Ho ke khush kaTvaate hain apne gale Aashiqon kee eed-e-qurbaan aur hai Roz-o-shab yaan ek see hai raushnee Dil ke daaghon kaa charaaghaan aur hai Khaal dikhlaatee hai phoolon kee bahaar Bulbulo apna gulistaan aur hai Qaid men aaraam aazaadee vabaal Ham giraftaaron kaa zindaan aur hai Bahr-e-ulfat men naheen kashtee kaa kaam Nuuh se kah do ye toofaan aur hai Kis ko andesha hai barq o sail se Apna khirman kaa nigahbaan aur hai Dard wo dil men wo siine par hai daagh Jis kaa marham jis kaa darmaan aur hai Ka.aba-roo mehraab-e-abroo ai 'ameer' Apnee taa.at apna eemaan aur hai