waada e vasl aur wo Kuch baat hai

Va.ada-e-vasl aur wo Kuch baat hai Ho na ho is men bhee koi ghaat hai Khalq naahaq darpai-e-isbaat hai Hai dahan us kaa kahaan ik baat hai Bosa-e-chaah-e-zankhdaan ghair len Doob marne kee ye ai dil baat hai Ghar se nikle ho nihatte vaqt-e-qatl Ye bhee bahr-e-qatl-e-aashiq ghaat hai Main ne itnaa hee kahaa banvaao khat Ye bigaDne kee bhalaa kya baat hai Ba.ad muddat bakht jaage hain mire BaiThe hain sone ko saaree raat hai Kya karoon vasf-e-butaan-e-khud-pasand In se baDh kar bas khuda kee zaat hai Baaton baaton men jo main Kuch kah gaya Hans ke farmaane lage kya baat hai Harf-e-matlab saaf kah saktaa nahin Hai adab maan.e ki pahlee raat hai Mujh se ho iz.haar-e-ulfat vaah-vaa Aap ke farmaane kee ye baat hai Ro rahe hain ham milaa de lab se lab Mai-kashee ho saaqiyaa barsaat hai Zach hai teree chaal se raftaar-e-charkh Mohr-e-rukh se baazee-e-mah maat hai Kaisee kaTtee hai siyah-bakhtee men umr Raat se din din se bad-tar raat hai ChheDtaa hai dil ko kya ai dard-e-hijr Khud giraftaar-e-hazaar-aafaat hai Ai ghanee de seem-o-zar vaqt-e-balaa Maal-e-Dunya jaan kee khairaat hai Gar jagah dil men nahin phir is se kya Ye doshambe kee ye budh kee raat hai Saaf kah de too yahaan aayaa na kar Yaar ye sau baat kee ik baat hai Lakht-e-dil hain mere khaane ko 'ameer' Bas inheen TukDon pe ab auqaat hai