vasl ki shab bhi khafaa wo but e magruur raha

Vasl kee shab bhee khafaa wo but-e-maghroor raha Hausla dil kaa jo thaa dil men ba-dastoor raha 'umr-e-rafta ke talaf hone kaa aayaa to khayaal Lekin ik dam kee talaafee kaa na maqdoor raha Jam' kis din na hue mausam-e-gul men mai-kash Roz hangaama tah-e-saaya-e-angoor raha Gardish-e-bakht kahaan se hamen laa.ee hai kahaan Manzilon vaadee-e-ghurbat se vatan duur raha Raast-baazee kar agar naamvaree hai darkaar Daar se khalq men awaaz-e-mansoor raha Wo to hai charkh chahaarum pe ye pach mohalle par Sach hai 'iisaa se bhee baalaa tiraa mazdoor raha Fasl-e-gul aa.ee ga.ee sehn-e-chaman men sau baar Apne sar men thaa jo sauda wo ba-dastoor raha Jalva-e-barq-e-tajallee nazar aayaa na kabhee Muddaton jaa ke vahaan men shajar-e-toor raha Zulf o rukh donon hain jaane se javaanee ke kharaab Mushk wo mushk na kaafoor wo kaafoor raha Ghol-e-sahraa ne miraa saath na chhoDaa shab bhar Le ke mash'al kabhee nazdeek kabhee duur raha Ham bhee maujood the kal mahfil-e-jaanaan men 'ameer' Raat ko der talak aap kaa mazkoor raha