aaiinon men aks na hon to hairat rahtii hai

Aa.eenon men aks na hon to hairat rahtee hai Jaise khaalee aankhon men bhee vahshat rahtee hai Har dam dunya ke hangaame ghere rakhte the Jab se tere dhyaan lage hain fursat rahtee hai Karnee hai to khul ke karo inkaar-e-wafa kee baat Baat adhooree rah jaa.e to hasrat rahtee hai Shahr-e-sukhan men aisa kuch kar izzat ban jaa.e Sab kuch miTTee ho jaataa hai izzat rahtee hai Bante bante Dhah jaatee hai dil kee har taameer Khvaahish ke bahroop men shaayad qismat rahtee hai Saa.e larazte rahte hain shahron kee galiyon men Rahte the insaan jahaan ab dahshat rahtee hai Mausam koi khushboo le kar aate jaate hain Kyaa kya ham ko raat ga.e tak vahshat rahtee hai Dhyaan men mela saa lagtaa hai biitee yaadon kaa Aksar us ke gham se dil kee sohbat rahtee hai Phoolon kee takhtee par jaise rangon kee tahreer Lauh-e-sukhan par aise 'amjad' shohrat rahtee hai Aainon mein aks na hon to hairat rahti hai Jaise KHali aankhon mein bhi wahshat rahti hai Har dam duniya ke hangame ghere rakhte the Jab se tere dhyan lage hain fursat rahti hai Karni hai to khul ke karo inkar-e-wafa ki baat Baat adhuri rah jae to hasrat rahti hai Shahr-e-suKHan mein aisa kuch kar izzat ban jae Sab kuch miTTi ho jata hai izzat rahti hai Bante bante Dhah jati hai dil ki har tamir KHwahish ke bahrup mein shayad qismat rahti hai Sae larazte rahte hain shahron ki galiyon mein Rahte the insan jahan ab dahshat rahti hai Mausam koi KHushbu le kar aate jate hain Kya kya hum ko raat gae tak wahshat rahti hai Dhyan mein mela sa lagta hai biti yaadon ka Aksar us ke gham se dil ki sohbat rahti hai Phulon ki taKHti par jaise rangon ki tahrir Lauh-e-suKHan par aise 'amjad' shohrat rahti hai