aakhirii bosa

Mire honTon pe us ke aakhiree bose kee lazzat sabt hai Vo us kaa aakhiree bosa Jo mustaqbil ke har ik khauf se aazaad Ik raushan sitaaraa tha Guzartee raat ke nange badan par til kee soorat qaa.em-o-daa.em Hamesha jaagne vaalaa sitaaraa Main jise is aag barsaate hue suraj ke aage Jagmagaataa dekh saktaa hoon Vo us kaa aakhiree bosa Jo is nafrat-bharee dunya men Ik khushboo kaa jhonkaa tha Bikhartee pattiyon men mausam-e-gul ke ishaare kee tarah Ik Doltee khushboo kaa jhonkaa Main jise is habs ke kaale qafas kee teeliyon se muskuraataa dekh saktaa hoon Vo us kaa aakhiree bosa Jo in martee huee sadiyon men Ik be-ant lamha tha Talaatum men kisee saahil kee pahlee diid saa Anmol aur be-ant lamha Men jise ashkon kee is deevaar men Rakhne banaataa dekh saktaa hoon Mire honTon pe us ke aakhiree bose kee lazzat sabt hai Vo us kaa aakhiree bosa jo main apne badan men Saans-soorat aataa jaataa dekh saktaa hoon Lahoo kee khaamushee men sarsaraataa dekh saktaa hoon Mere honTon pe us ke aaKHiri bose ki lazzat sabt hai Wo us ka aaKHiri bosa Jo mustaqbil ke har ek KHauf se aazad Ek raushan sitara tha Guzarti raat ke nange badan par til ki surat qaem-o-daem Hamesha jagne wala sitara Main jise is aag barsate hue suraj ke aage Jagmagata dekh sakta hun Wo us ka aaKHiri bosa Jo is nafrat-bhari duniya mein Ek KHushbu ka jhonka tha Bikharti pattiyon mein mausam-e-gul ke ishaare ki tarah Ek Dolti KHushbu ka jhonka Main jise is habs ke kale qafas ki tiliyon se muskuraata dekh sakta hun Wo us ka aaKHiri bosa Jo in marti hui sadiyon mein Ek be-ant lamha tha Talatum mein kisi sahil ki pahli did sa Anmol aur be-ant lamha Mein jise ashkon ki is diwar mein RaKHne banata dekh sakta hun Mere honTon pe us ke aaKHiri bose ki lazzat sabt hai Wo us ka aaKHiri bosa jo main apne badan mein Sans-surat aata jata dekh sakta hun Lahu ki KHamushi mein sarsaraata dekh sakta hun