aankhon se ik khvaab guzarne vaalaa hai

Aankhon se ik khvaab guzarne vaalaa hai KhiDkee se mahtaab guzarne vaalaa hai Sadiyon ke in khvaab-gazeeda shahron se Mahr-e-aalam-taab guzarne vaalaa hai Jaadoogar kee qaid men the jab shahzaade Qisse kaa wo baab guzarne vaalaa hai SannaaTe kee dahshat baDhtee jaatee hai Bastee se sailaab guzarne vaalaa hai Dariyaaon men ret uDegee sahraa kee Sahraa se girdaab guzarne vaalaa hai Maulaa jaane kab dekhenge aankhon se Jo mausam shaadaab guzarne vaalaa hai Hastee 'amjad' deevaane kaa khvaab sahee Ab to ye bhee khvaab guzarne vaalaa hai Aankhon se ek KHwab guzarne wala hai KhiDki se mahtab guzarne wala hai Sadiyon ke in KHwab-gazida shahron se Mahr-e-alam-tab guzarne wala hai Jadugar ki qaid mein the jab shahzade Qisse ka wo bab guzarne wala hai SannaTe ki dahshat baDhti jati hai Basti se sailab guzarne wala hai Dariyaon mein ret uDegi sahra ki Sahra se girdab guzarne wala hai Maula jaane kab dekhenge aankhon se Jo mausam shadab guzarne wala hai Hasti 'amjad' diwane ka KHwab sahi Ab to ye bhi KHwab guzarne wala hai