aashob e aagahii

Koi batlaa.e mujhe Mere in jaagte khawabon kaa muqaddar kya hai? Main ki har shai kee baqaa jaantaa hoon UDte lamhon kaa pataa jaantaa hoon Sard aur zard sitaaron kee tiqaapoo kya hai Rang kya chiiz hai khushboo kya hai Sub.h kaa sehr hai kya, raat kaa jaadoo kya hai Aur kya chiiz hai awaaz-e-sabaa jaantaa hoon Ret aur naqsh-e-qadam mauj kaa rum Aankh aur gosha-e-lab zulf kaa kham Shaam aur sub.h kaa gham Sab kee qismat hai fanaa jaantaa hoon Phir bhee ye khvaab mire saath lage rahte hain Jaagte khvaab ki jin kee koi ta.abeer nahin Koee tafseer nahin Soorat-e-zakhm hare rahte hain Mere haathon se pare rahte hain Aagahee jahl se bad-tar Thahree Jaagte khvaab kee ta.abeer muqaddar Thahree Zindagee mere liye gumbad-e-be-dar Thahree Main ki awaaz-e-sabaa jaantaa hoon UDte lamhon kaa pataa jaantaa hoon Aur har shai kee baqaa jaantaa hoon Koi batlae mujhe Mere in jagte KHwabon ka muqaddar kya hai? Main ki har shai ki baqa jaanta hun UDte lamhon ka pata jaanta hun Sard aur zard sitaron ki tiqapu kya hai Rang kya chiz hai KHushbu kya hai Subh ka sehr hai kya, raat ka jadu kya hai Aur kya chiz hai aawaz-e-saba jaanta hun Ret aur naqsh-e-qadam mauj ka rum Aankh aur gosha-e-lab zulf ka KHam Sham aur subh ka gham Sab ki qismat hai fana jaanta hun Phir bhi ye KHwab mere sath lage rahte hain Jagte KHwab ki jin ki koi tabir nahin Koi tafsir nahin Surat-e-zaKHm hare rahte hain Mere hathon se pare rahte hain Aagahi jahl se bad-tar Thahri Jagte KHwab ki tabir muqaddar Thahri Zindagi mere liye gumbad-e-be-dar Thahri Main ki aawaz-e-saba jaanta hun UDte lamhon ka pata jaanta hun Aur har shai ki baqa jaanta hun