agarche koi bhi andhaa nahin tha

Agarche koi bhee andhaa nahin tha Likhaa deevaar kaa paDhtaa nahin tha Kuchh aisi barf thee us kee nazar men Guzarne ke liye rasta nahin tha Tumhee ne kaun see achchhaa.ee kee hai Chalo maanaa ki main achchhaa nahin tha Khulee aankhon se saaree umr dekhaa Ik aisa khvaab jo apna nahin tha Main us kee anjuman men tha akelaa Kisee ne bhee mujhe dekhaa nahin tha Sahar ke waqt kaise chhoD jaataa Tumhaaree yaad thee sapnaa nahin tha KhaDee thee raat khiDkee ke sirhaane Dareeche men wo chaand utraa nahin tha Dilon men girne vaale ashk chuntaa Kaheen ik jauharee aisa nahin tha Kuchh aisi dhoop thee un ke saron par Khudaa jaise ghareebon kaa nahin tha Abhee harfon men rang aate kahaan se Abhee main ne use likkhaa nahin tha Thee puuree shakl us kee yaad mujh ko Magar main ne use dekhaa nahin tha Barahna khvaab the suraj ke neeche Kisee ummeed kaa pardaa nahin tha Hai 'amjad' aaj tak wo shakhs dil men Ki jo us waqt bhee meraa nahin tha Agarche koi bhi andha nahin tha Likha diwar ka paDhta nahin tha Kuchh aisi barf thi us ki nazar mein Guzarne ke liye rasta nahin tha Tumhi ne kaun si achchhai ki hai Chalo mana ki main achchha nahin tha Khuli aankhon se sari umr dekha Ek aisa KHwab jo apna nahin tha Main us ki anjuman mein tha akela Kisi ne bhi mujhe dekha nahin tha Sahar ke waqt kaise chhoD jata Tumhaari yaad thi sapna nahin tha KhaDi thi raat khiDki ke sirhane Dariche mein wo chand utra nahin tha Dilon mein girne wale ashk chunta Kahin ek jauhari aisa nahin tha Kuchh aisi dhup thi un ke saron par KHuda jaise gharibon ka nahin tha Abhi harfon mein rang aate kahan se Abhi main ne use likkha nahin tha Thi puri shakl us ki yaad mujh ko Magar main ne use dekha nahin tha Barahna KHwab the suraj ke niche Kisi ummid ka parda nahin tha Hai 'amjad' aaj tak wo shaKHs dil mein Ki jo us waqt bhi mera nahin tha