ai dil e be khabar

Ai dil-e-be-khabar Jo havaa jaa chukee ab nahin aa.egee Jo shajar Toot jaataa hai phaltaa nahin Vaapsee mausamon kaa muqaddar to hai Jo samaan biit jaa.e palaTtaa nahin Jaane vaale nahin lauTte umr bhar Ab kise DhoonDhtaa hai sar-e-rahguzar Ai dil-e-kam-nazar ai mire be-khabar ai mire ham-safar Vo to khushboo tha agle nagar jaa chukaa Chaandnee tha huaa sarf-e-rang-e-qamar Khvaab tha aankh khulte hee ojhal huaa PeD tha rut badalte huaa be-samar Ai dil-e-be-asar ai mire chaara-gar Ye hai kis ko khabar! Kab havaa-e-safar kaa ishaara mile! Kab khulen saahilon par safeenon ke par Kaun jaane kahaan manzil-e-mauj hai! Kis jazeere pe hai shaah-zaadee kaa ghar ai mire chaara-gar Ai dil-e-be-khabar kam-nazar mo'tabar Too ki muddat se hai zer-e-baar-e-safar Be-qaraar-e-safar Rail kee be-hunar pTriyon kee tarah Aas ke be-samar mausamon kee tarah Be-jahat manzilon kee masaafat men hai Rasta bhoole hue rahravon kee tarah Chob-e-naar-e-safar E'tibaar-e-nazar kis gumaan par karen Ai dil-e-be-basar Ye to saahil pe bhee dekhtee hai bhanvar Ret men kisht kartee hai aab-e-baqaa Kholtee hai havaaon men baab-e-asar Tujh ko rakhtee hai ye zebdaar-e-safar be-qaraar-e-safar Ai dil-e-be-hunar Garm saanson kee wo khushbuen bhuul jaa Vo chahaktee huee dhaDkanen bhuul jaa Bhuul jaa narm honTon kee shaadaabiyaan Harf-e-iqraar kee lazzaten bhuul jaa Bhuul jaa wo havaa bhuul jaa wo nagar Kaun jaane kahaan raushnee kho ga.ee LuT gaya hai kahaan kaarvaan-e-sahar Ab kahaan gesuon ke wo saa.e kahaan Us kee aahaT se chamke hue baam-o-dar ai dil-e-be-basar Rang-e-aasoodgee ke tamaashe kahaan JhuTpuTaa hai yahaan rahguzar rahguzar Vo to khushboo tha agle nagar jaa chukaa Ab kise DhoonDhtaa hai are be-khabar Jaane vaale nahin lauTte umr bhar Ai dil-e-kam-nazar ai mire chaara-gar ai mire ham-safar Ai dil-e-be-KHabar Jo hawa ja chuki ab nahin aaegi Jo shajar TuT jata hai phalta nahin Wapsi mausamon ka muqaddar to hai Jo saman bit jae palaTta nahin Jaane wale nahin lauTte umr bhar Ab kise DhunDhta hai sar-e-rahguzar Ai dil-e-kam-nazar ai mere be-KHabar ai mere ham-safar Wo to KHushbu tha agle nagar ja chuka Chandni tha hua sarf-e-rang-e-qamar KHwab tha aankh khulte hi ojhal hua PeD tha rut badalte hua be-samar Ai dil-e-be-asar ai mere chaara-gar Ye hai kis ko KHabar! Kab hawa-e-safar ka ishaara mile! Kab khulen sahilon par safinon ke par Kaun jaane kahan manzil-e-mauj hai! Kis jazire pe hai shah-zadi ka ghar ai mere chaara-gar Ai dil-e-be-KHabar kam-nazar mo'tabar Tu ki muddat se hai zer-e-bar-e-safar Be-qarar-e-safar Rail ki be-hunar pTriyon ki tarah Aas ke be-samar mausamon ki tarah Be-jahat manzilon ki masafat mein hai Rasta bhule hue rahrawon ki tarah Chob-e-nar-e-safar E'tibar-e-nazar kis guman par karen Ai dil-e-be-basar Ye to sahil pe bhi dekhti hai bhanwar Ret mein kisht karti hai aab-e-baqa Kholti hai hawaon mein bab-e-asar Tujh ko rakhti hai ye zebdar-e-safar be-qarar-e-safar Ai dil-e-be-hunar Garm sanson ki wo KHushbuen bhul ja Wo chahakti hui dhaDkanen bhul ja Bhul ja narm honTon ki shadabiyan Harf-e-iqrar ki lazzaten bhul ja Bhul ja wo hawa bhul ja wo nagar Kaun jaane kahan raushni kho gai LuT gaya hai kahan karwan-e-sahar Ab kahan gesuon ke wo sae kahan Us ki aahaT se chamke hue baam-o-dar ai dil-e-be-basar Rang-e-asudgi ke tamashe kahan JhuTpuTa hai yahan rahguzar rahguzar Wo to KHushbu tha agle nagar ja chuka Ab kise DhunDhta hai are be-KHabar Jaane wale nahin lauTte umr bhar Ai dil-e-kam-nazar ai mere chaara-gar ai mere ham-safar