ai hijr zada shab

Ai hijr-zada shab Aa too hee mire siine se lag jaa ki bate gham Ehsaas ko tanhaa.ee kee manzil se mile rah Aavaaz kee gumnaam zameenon ko mile nam Aa kuch to ghaTe gham Is saa.at-e-mahjoor kee fariyaad ho maddham Kyuun nauha-ba-lb phirtee hai mahroom-e-mukhaatab Ai hijr-zada shab Dekh aaj tamannaaon kee be-samt havaa.en Dil-e-sharminda-nazar ko Phir le ke chalee hain vahee be-rakht havaa.en Usee jaadoo ke nagar ko Jis khaak pe utre the muraadon ke saheefe Sankee thee jahaan sabz havaa, koo-e-wafa kee Mahke the jahaan phool-sifat rang kisee ke Us khaak kaa har ruup mire vaaste zindaan Kuchh rooThe hue khvaab hain kuch TuuTe hue maan Kuchh barse hue abr hain kuch tarse hue lab Ai hijr-zada shab Aa too hee gale lag ke bataa kaun yahaan hai Juz khud-saree-e-mauj-e-havaa kaun yahaan hai Hamdard miraa tere sivaa kaun yahaan hai Aa chuum luun aankhen tiree rukhsaar tire lab Ai hijr-zada shab Ai hijr-zada shab Aa tu hi mere sine se lag ja ki bate gham Ehsas ko tanhai ki manzil se mile rah Aawaz ki gumnam zaminon ko mile nam Aa kuch to ghaTe gham Is saat-e-mahjur ki fariyaad ho maddham Kyun nauha-ba-lb phirti hai mahrum-e-muKHatab Ai hijr-zada shab Dekh aaj tamannaon ki be-samt hawaen Dil-e-sharminda-nazar ko Phir le ke chali hain wahi be-raKHt hawaen Usi jadu ke nagar ko Jis KHak pe utre the muradon ke sahife Sanki thi jahan sabz hawa, ku-e-wafa ki Mahke the jahan phul-sifat rang kisi ke Us KHak ka har rup mere waste zindan Kuchh ruThe hue KHwab hain kuch TuTe hue man Kuchh barse hue abr hain kuch tarse hue lab Ai hijr-zada shab Aa tu hi gale lag ke bata kaun yahan hai Juz KHud-sari-e-mauj-e-hawa kaun yahan hai Hamdard mera tere siwa kaun yahan hai Aa chum lun aankhen teri ruKHsar tere lab Ai hijr-zada shab