ai waqt zaraa tham jaa

Ik khvaab kee aahaT se yuun guunj uTheen galiyaan Ambar pe khile taare baaghon men hansen kaliyaan Saagar kee khamoshee men ik mauj ne karvaT lee Aur chaand jhukaa us par Phir baam hue raushan KhiDkee ke kivaaDon par saaya saa koi larzaa Aur tez huee dhaDkan Phir Toot ga.ee chooDee, ujaDne lage manzar Ik dast-e-hinaa.ee kee dastak se khulaa dil men Ik rang kaa darvaaza Khushboo see ajab mahkee Koyal kee tarah koi be-naam tamannaa see Phir duur kaheen chahkee Phir dil kee suraahee men ik phuul khilaa taaza Jugnoo bhee chale aa.e sun shaam kaa aavaaza Aur bhanvre hanse mil kar Har ek sitaare kee aankhon men ishaare hain Us shakhs ke aane ke Ai waqt zaraa tham jaa Aasaar ye saare hain us shakhs ke aane ke Ek KHwab ki aahaT se yun gunj uThin galiyan Ambar pe khile tare baghon mein hansen kaliyan Sagar ki KHamoshi mein ek mauj ne karwaT li Aur chand jhuka us par Phir baam hue raushan KhiDki ke kiwaDon par saya sa koi larza Aur tez hui dhaDkan Phir TuT gai chuDi, ujaDne lage manzar Ek dast-e-hinai ki dastak se khula dil mein Ek rang ka darwaza KHushbu si ajab mahki Koyal ki tarah koi be-nam tamanna si Phir dur kahin chahki Phir dil ki surahi mein ek phul khila taza Jugnu bhi chale aae sun sham ka aawaza Aur bhanwre hanse mil kar Har ek sitare ki aankhon mein ishaare hain Us shaKHs ke aane ke Ai waqt zara tham ja Aasar ye sare hain us shaKHs ke aane ke