apne hone ki tab o taab se baahar na hue

Apne hone kee tab-o-taab se baahar na hue Ham hain wo siip jo aazaada-e-gauhar na hue Harf-e-be-saut kee maanind rahe dunya men Dasht-e-imkaan men khule naqsh-e-musavvir na hue Phuul ke rang sar-e-shaakh-e-khizaan bhee chamke Qaidee-e-rasm-e-chaman khaak ke jauhar na hue Thak ke girte bhee nahin ghar ko palaTte bhee nahin Najm-e-aflaak hue aas ke taa.ir na hue Us kee galiyon men rahe gard-e-safar kee soorat Sang-e-manzil na bane raah kaa patthar na hue Apnee naakaam umeedon ke kham-o-pech men gum Abr-e-kam-aab the ham rizq-e-samundar na hue Apne hone ki tab-o-tab se bahar na hue Hum hain wo sip jo aazada-e-gauhar na hue Harf-e-be-saut ki manind rahe duniya mein Dasht-e-imkan mein khule naqsh-e-musawwir na hue Phul ke rang sar-e-shaKH-e-KHizan bhi chamke Qaidi-e-rasm-e-chaman KHak ke jauhar na hue Thak ke girte bhi nahin ghar ko palaTte bhi nahin Najm-e-aflak hue aas ke tair na hue Us ki galiyon mein rahe gard-e-safar ki surat Sang-e-manzil na bane rah ka patthar na hue Apni nakaam umidon ke KHam-o-pech mein gum Abr-e-kam-ab the hum rizq-e-samundar na hue