buzdil

Hujoom-e-sang-e-anaa aur zabt-e-paiham ne Misaal-e-reg-e-ravaan be-qaraar rakkhaa hai Mire vajood kee vahshat ne raat bhar mujh ko Ghubaar-e-qaafila-e-intizaar rakkhaa hai Ba-pesh-e-khidmat-e-chashm-e-saraab-aalooda Havaa ne dast-e-talab baar baar rakkhaa hai Main teree yaad ke jaadoo men tha sahar mujh ko Na-jaane kaun see manzil pe laa ke chhoD ga.ee Ki saans saans men tere badan kee khushboo hai Qadam qadam pe tiree aahaTon kaa Deraa hai Magar nazar men faqat shab-zada saveraa hai Tahee tahee se manaazir hain gard gard fazaa Mataa-e-umr vahee ek khvaab teraa hai Tire jamaal kaa partav nahin magar phir bhee Khayaal aa.eena-khaana sajaa.e baiThaa hai Jidhar bhee aankh uThaataa hoon ek vahshat hai Too hee bataa ki kahaan tak fareb duun khud ko Ki meraa aks mire khauf kee shahaadat hai Miraa vajood hai aur shahr-e-sang-baaraan hai Bachaa.oon jaan ki ta.ameer-e-qasr-e-zaat karoon Main apna haath baghal men dabaa.e sochtaa hoon Mire naseeb men suraj kahaan jo baat karoon Main vaadiyon kee masaafat se kis liye nikloon Safar ik aur pahaaDon ke paar rakkhaa hai Hujum-e-sang-e-ana aur zabt-e-paiham ne Misal-e-reg-e-rawan be-qarar rakkha hai Mere wajud ki wahshat ne raat bhar mujh ko Ghubar-e-qafila-e-intizar rakkha hai Ba-pesh-e-KHidmat-e-chashm-e-sarab-aluda Hawa ne dast-e-talab bar bar rakkha hai Main teri yaad ke jadu mein tha sahar mujh ko Na-jaane kaun si manzil pe la ke chhoD gai Ki sans sans mein tere badan ki KHushbu hai Qadam qadam pe teri aahaTon ka Dera hai Magar nazar mein faqat shab-zada sawera hai Tahi tahi se manazir hain gard gard faza Mata-e-umr wahi ek KHwab tera hai Tere jamal ka partaw nahin magar phir bhi KHayal aaina-KHana sajae baiTha hai Jidhar bhi aankh uThata hun ek wahshat hai Tu hi bata ki kahan tak fareb dun KHud ko Ki mera aks mere KHauf ki shahadat hai Mera wajud hai aur shahr-e-sang-baran hai Bachaun jaan ki tamir-e-qasr-e-zat karun Main apna hath baghal mein dabae sochta hun Mere nasib mein suraj kahan jo baat karun Main wadiyon ki masafat se kis liye niklun Safar ek aur pahaDon ke par rakkha hai